Toshkentdagi «O‘rtasaroy» qabristonida yong‘in yuz berdi

Toshkent shahridagi «O‘rtasaroy» qabristonida yong‘in yuz berdi. Bu haqda «Potrebitel.uz» guruhiga tayanib «Daryo» nashri ma’lum qildi.

«Bugun, 26 avgust kuni (u yerda) juda kuchli yong‘in sodir bo‘ldi. Juda ko‘plab qabrlar yonib ketdi. Alanga koreys qabristoni tomonidan keldi. U yerda deyarli hamma qabrlar kuyib ketdi. 1,5 soatdan keyin bitta o‘t o‘chirish mashinasi keldi», — deb yozdi guruh foydalanuvchilaridan biri.

U qarindoshlari ushbu qabristonga dafn etilgan kishilarni kelib, ularning qabrini qayta tiklashga chaqirib qoldi.

Postga qarindosh-urug‘lari ushbu qabristonga ko‘milgan ko‘plab foydalanuvchilar izoh yozib, ularga tegishli qabr yongan-yonmaganiga qiziqdi. O‘zlari chet elda bo‘lgan ba’zi kishilar qabristonga bormoqchi bo‘lganlardan o‘z qarindoshlarining qabri joylashgan kartalardan xabar olishni so‘rab qoldi.

Foydalanuvchilardan biri yozishicha, bugun, 27 avgust kuni qabriston ma’muriyatiga qo‘ng‘iroq qilganida, ular yong‘in haqidagi xabarni hayrat bilan qabul qilgan. Barcha kartalar bus-butun ekanligini va faqat nomsiz karta yonganligini ma’lum qilishgan. “Zamin” yangiliklarini “Vkontakti”da kuzatib boring