11:37 / 28.09.2015
6 174

O‘zbekiston va Qozog‘iston maxsus xizmatlari kontrabandachilarni qo‘lga oldilar

O‘zbekiston va Qozog‘iston maxsus xizmatlari kontrabandachilarni qo‘lga oldilar
O‘zbekiston va Qozog‘iston maxsus xizmatlari yirik kontrabandachilar guruhini qo‘lga olish bo‘yicha operasiya o‘tkazdilar. Bu haqda “Sputnik” ga asoslanib “Kun.uz” xabar bermoqda.

Tezkor ma’lumotga ko‘ra, jinoiy guruh vakillari O‘zbekiston-Qozog‘iston chegarasi orqali 23 sentyabrda 20.00 lar atrofida katta kontrabanda yukini olib o‘tishmoqchi bo‘lishgan.
“O‘zbekistonlik va qozog‘istonlik chegarachilar Qozog‘istonning Beyney tumani Oqjigit kishlog‘i qarshisida O‘zbekistonning Qo‘ng‘irot tumani Kiyiksoy aholi punkti hududidagi davlat chegarasi qismini yopib qo‘yishdi”, deb aytdi manba.
Soat 22.20da o‘zbek chegarachilari tomonidan davlat chegarasiga ikkita motosikl hamrohligida kelayotgan, tirkamaga ega “Kamaz” yuk mashinasi payqalgan.

Qoidabuzarlar taqib paytida Qozog‘iston hududiga o‘tib ketishgan va oldindan ogohlantirilgan Kozog‘iston maxsus xizmatlari tomonidan ushlanishgan.

Ayni paytda O‘zbekiston huquq-tartibot muassasalari tomonidan ushbu holatga aloqador bo‘lgan barcha shaxslarni aniqlash va ushlash bo‘yicha tadbirlar amalga oshirilmoqda.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » O‘zbekiston » O‘zbekiston va Qozog‘iston maxsus xizmatlari kontrabandachilarni qo‘lga oldilar
[/banner_pushhouse