«O‘zbekiston» telekanalining «Muloqot vaqti» ko‘rsatuvida viloyatlar va chekka hududlarda benzin taqchilligi, yonilg‘i quyish shoxobchalarida benzinning bir necha kunlab bo‘lmasligi, fuqarolarning benzinni qimmat narxlarda qo‘ldan sotib olishiga majbur bo‘layotgani kabi muammolar muhokama etildi.
Ko‘rsatuvga Ichki ichlar vazirligi yong‘in xavfsizligi boshqarmasi, Iste’molchilar huquqlarini himoya qilish jamiyati, «O‘zneftmahsulot» AJ, Soliq qo‘mitasi mas’ul xodimlari, mahalla raislari, OAV vakillari taklif etildi va o‘rtaga tashlanayotgan masala atroflicha o‘rganildi.
«Daryo» muxbirining O‘zbekistonda benzin narxi oshishi haqida ijtimoiy tarmoqlar va turli saytlarda tarqalgan gap-so‘zlar qanchalik asosli ekanligi haqidagi savoliga «O‘zneftmahsulot» AJ boshqaruv raisining ishlab chiqarish, istiqbolli rivojlantirish va investitsiyalar bo‘yicha o‘rinbosari Adhamjon Isomov quyidagicha javob berdi:
«Jamiyatimiz tomonidan aholiga benzin yetkazib berish bo‘yicha qilayotgan iqtisodiy-moliyaviy sarfimizni bugungi kunda sotilayotgan benzin narxi qoplamaydi. Buni hammamiz yaxshi bilamiz. Aytish mumkinki, biz zarar ko‘rgan holda aholiga benzin yetkazib beryapmiz. Zarar davlat tomonidan qoplab berilyapti. Bugungi kunda barchaga ma’lumki valyuta liberalizatsiyasi bo‘ldi. Biz olib kelayotgan xom ashyomizning bir tonnasi 4100 so‘m miqdorida konvertatsiya qilingan bo‘lsa, endilikda 8100 so‘mdan konvertatsiya qilib, aholiga yetkazib bermoqdamiz».
«O‘zneftmahsulot» AJ boshqaruv raisi o‘rinbosarining so‘zlariga ko‘ra, benzin narxini belgilash jamiyat vakolatiga kirmaydi. Bu masala O‘zbekiston Respublikasi moliya vazirligining vakolatiga kiradi.
Shuningdek, uning aytishicha, «O‘zneftmahsulot» AJ barcha viloyatlarga yetarli miqdorda benzin yonilg‘isini yetkazib bermoqda. Avtomobilga yonilg‘i quyish shoxobchalari xodimlari esa benzinni qo‘lda sotish orqali daromad orttirish maqsadida benzinning sun’iy taqchilligini yuzaga keltirmoqda. Natijada esa iste’molchilar benzinni davlat tomonidan belgilangan narxdan ancha qimmatroq narxga sotib olishga majbur bo‘lmoqda.
Benzin narxining oshishi boshqa iste’mol mahsulotlarining narxi oshishiga ham ta’sir ko‘rsatadi. Chunki benzin narxining oshishi mahsulotlarni tashish va yetkazib berish xizmatlarining narxi qimmatlashishiga olib keladi.
Ma’lumot uchun, bugungi kunda O‘zbekistonda eng arzon Ai-80 turidagi benzinning 1 litri 2800 so‘mdan sotilmoqda. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Immunitetni ko‘tarish uchun 6 ta eng yaxshi vitamin
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Trampning o‘g‘li Zelenskiy yaqin orada «nafaqadan» mahrum bo‘lishini yozdi
NATO sobiq qo‘mondoni: “Putin Ukrainaning taxminan 20 foizini qo‘lga kiritadi”
AQSH Isroilga puli to‘langan buldozerlarni bermadi
Tramp Putinga qo‘ng‘iroq qilib, Ukrainadagi urushni muhokama qildi
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
Fayzullayev va Yevropa: unga berilgan ikki xil baho...
