Qozog‘iston Respublikasi prezidenti Nursulton Nazarboyev Qozog‘iston va O‘zbekiston o‘rtasidagi munosabatlar yaxshilanayotgani haqida aytib o‘tdi, deb xabar bermoqda Kun.uz.
«Shuni aniq aytishim mumkinki, O‘zbekistonda juda ijobiy o‘zgarishlar yuz beryapti. Afsuski, o‘tgan yillar davomida iqtisodiyotimizdagi o‘zaro munosabatlar hajmi 5 foizdan oshmagan. Biz juda ko‘p vaqtni behuda yo‘qotdik. Tasavvur qila olasizmi, O‘zbekiston Qozog‘iston bug‘doyini Yevropa orqali sotib olgan. Bu haqiqatdan ham kuzatilgan», - deya xabar berdi Nazarboyev Astana Club yig‘ilishi ishtirokchilariga.
Ammo so‘nggi ikki yil ichida, prezidentning so‘zlariga ko‘ra, o‘zaro savdo har yili ikki barobarga ortib boryapti.
«Chegaralar ochildi, bojxona umumiy, iqtisodiyotlarning aloqasi juda faol. Men O‘zbekiston kelajagiga katta nekbinlik bilan qaramoqdaman. U yerda ko‘p o‘zgarishlar yuz berdi, iqtisodiyot yanada erkinlashdi, siyosat ham liberallashdi. Lekin hammasini juda tezlik bilan qilishning imkoni yo‘q. Hammasi orqada qolib ketgandi va prezident Shavkat Mirziyoyev, menimcha, to‘g‘ri yo‘ldan ketyapti hamda munosabatlarni to‘g‘ri yo‘lga qo‘ymoqda. Shuning uchun kelajak, menimcha, bundan ham yaxshiroq bo‘ladi», - dedi Nazarboyev.
Prezidentning so‘zlariga ko‘ra, Qozog‘iston va O‘zbekistonni savdo aloqalaridan tashqari, «umumiy muammolar» ham birlashtiradi.
«Orol dengizining bir avlod hayotida yo‘q bo‘lib ketishi - bir trillion tonna suv bor edi, juda katta miqdorda baliq tutilardi. Sobiq sovet ittifoqining noto‘g‘ri iqtisodiy rejalashtirishi tufayli butunboshli dengiz yo‘qoldi. Endi bu dengizning bo‘m-bo‘sh tubidan millionlab tonna tuz ko‘tarilmoqda. U Yevropaga, bizning tog‘lar cho‘qqilariga kelib tushib, muzliklarni eritmoqda. Bu bizning katta muammomiz», - deya ma’lum qildi Nazarboyev.
Uning qayd etishicha, davlat rahbarlari bu masalani muhokama qilishdi va jahon hamjamiyatiga ushbu ekologik falokatni bartaraf etishda yordam so‘rab murojaat bilan chiqishdi.
«Rostini aytganda, u butun sayyoraniki. Tadqiqotlar shuni ko‘rsatdiki, bu tuz hamma joyga yetib bormoqda - Norvegiya, Grenlandiyaga hattoki», - deya qo‘shimcha qilib o‘tdi u. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Xitoy AQSHni «qizil chiziqlar»ni kesib o‘tishdan ogohlantirdi va «dushman emas, hamkor» bo‘lishga chaqirdi
Uchar avtomobil yo‘lovchi bilan birinchi parvozini amalga oshirdi (video)
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Mariya Zaxarova ukrainaliklarni Amerika hindulariga o‘xshatdi
Germaniyada ishlash istagida bo‘lgan o‘zbekistonlik mutaxassislar uchun nemis tili o‘rgatiladi
AQSHning G‘azodagi siyosatidan norozi Davlat departamenti rasmiysi iste’foga chiqdi
Lukashenko G‘arbga tahdid bilan chiqdi