Bahodir Jalolov Bivol - Kanelo jangida kimga muxlislik qilishini aytdi

7 may kuni (bizning vaqt bilan 8 may tongida) AQShda katta boks oqshomi tashkil etiladi. Kechaning markaziy jangida rossiyalik Dmitriy Bivol meksikalik Saul Alvaresga qarshi ringga koʻtariladi.

Olamsport.com sayti muxbiri ushbu jang oldidan Olimpiya oʻyinlari chempioni Bahodir Jalolovning fikrlari bilan qiziqdi.

"Bivol va Kanelo oʻrtasidagi jangda Dmitriyga muxlislik qilaman. Toʻgʻri, Saul Alvares juda tajribali, kuchli bokschi. Biroq, agar Bivol masofada yaxshi harakat qilib, oyoqda yaxshi ishlasa, raqibni oʻziga yaqinlashtirmasa yuta oladi. Agar yaqin masofada jang boʻlsa Bivol qiynalishi mumkin.

Agar Dmitriy 12 raund oyoqda yaxshi ishlasa, Kaneloga qiyin boʻladi. Lekin bu boks, bu erda birgina zarba barchasini hal qilishi mumkin. Chunki, Kanelo oddiy bokschi emas. Oʻzim Bivolga muxlislik qilaman, chunki u jamoadoshim. Jang qilish uslubi ham, oyoq harakatlari ham yaxshi.

Ammo baribir jangning yakuniy natijasi haqida aniq taxmin ayta olmayman. Lekin, Bivol yutsa yaxshi boʻlardi", - dedi Bahodir Jalolov. “Zamin” yangiliklarini “Telegram”da kuzatib boring