Eldor Shomurodov: "Jamoa bilan faxrlanaman. Murabbiyga kerak bo‘lganda doim tayyor bo‘lishga harakat qilaman"

"Roma" hujumchisi Eldor Shomurodov A Seriya 37-tur doirasidagi "Venetsiya" (1:1)ga qarshi o‘yinda o‘z hisobiga gol yozdirib qo‘ydi.
O‘zbekistonlik forvard ikkinchi bo‘limda maydonga tushdi va juda muhim golni urishga erishdi. O‘yindan so‘ng Shomurodov Corriere dello Sport'ga o‘yin haqida o‘z fikrlarini bildirdi.

"Murabbiyga kerak bo‘lganda doim tayyor bo‘lishga harakat qilaman. Faqatgina durangga erishganimiz achinarli, sababi biz "Venetsiya"ni mag‘lub etmoqchi va Yevropadagi ishtirokimizni kafolatlamoqchi edik.

Ammo, men jamoa bilan faxrlanaman, endi diqqatimizni jamlashimiz kerak, sababi oldimizda Konferensiyalar Ligasi finali qoldi", - deydi hujumchi. “Zamin”ni Telegramʻda oʻqing!