U-23 Osiyo Kubogi. 120 daqiqa iroda ko‘rsatgan O‘zbekiston Iroqni mag‘lub qildi

23 yoshgacha bo‘lgan futbolchilar o‘rtasidagi Osiyo Kubogining chorak final bosqichi doirasidagi O‘zbekiston - Iroq uchrashuv nihoyasiga yetdi.

Dastlab, 12-daqiqada darvozabonimiz Abduvohid Ne’matov qizil kartochka tufayli maydonni erta tark etdi. Raqib futbolchisi penaltidan hisobni ochdi. So‘ngra, vakillarimiz Jasur Jaloliddinov aniq zarbasi va Ammar Husainning avtogoli evaziga hisobni 2:1 ko‘rinishiga keltirdi. 68-daqiqada Ammar Falih muvozanatni tikladi.

Bu esa yakunda jamoalarning qo‘shimcha bo‘limlarni o‘tkazishiga olib keldi. Ammo qo‘shimcha ikki 15 daqiqalik taymlarda ham g‘olib aniqlanmagach, jamoalar penaltilar seriyasiga taklif etildi.

Lotoreyada esa omad O‘zbekistonga kulib boqdi. Darvozabon Vladimir Nazarov iroqlik futbolchilarning bitta zarbasini qaytargan bo‘lsa, ikki zarbani yo‘llashda esa raqiblar xatoga yo‘l qo‘yishdi va yakunda O‘zbekiston yarimfinalga yo‘llanma oldi – 3:2

Shu tariqa, O‘zbekiston final yo‘llanmasi uchun kurashda Janubiy Koreya va Yaponiya juftligi g‘olibiga qarshi o‘ynaydi. Bahs 15 iyun kuni «Bunyodkor» stadionida o‘tadi.

Osiyo kubogi U-23. Chorakfinal

O‘zbekiston – Iroq – 2:2 (1:1)
Gol: 19 - Vaka Ramazon Juma, 45+5 - Jasur Jaloliddinov, 50 - Hussayn Ammar Alsavad (avtogol), 68 - Ammar G‘olib Falih

Penaltilar seriyasi: 3:2

O‘zbekiston: 1.Abduvohid Ne’matov (12.Vladimir Nazarov, 15), 3.Doston Tursunov, 5.Muhammadqodir Hamraliyev, 7.Hojimat Erkinov (11.Otabek Jo‘raqo‘ziyev,111), 9.Ulug‘bek Hoshimov (20.Ruslanbek Jiyanov, 62), 10.Jasur Jaloliddinov (s) ( 14.Abbosbek Fayzullayev, 79), 13.Eldor Begimov (2.Saidazamat Mirsaidov, 62), 17.Diyor Xolmatov, 18.Alibek Davronov, 19.Husayn Norchayev (22.Alisher Odilov, 111), 23.Abdurauf Bo‘riyev.
Zaxira: 21.Hamidullo Abdunabiyev, 6.Jaloliddin Sodiqov, 15.Odilbek Abdumajidov, 16.Shahzod Toirov,

Iroq: 22.Hassan Ahmad Hussayn, 3.Ahmad Hassan Al Rishave (17.Matham Vaad, 87), 4.Hussayn Ammar Alsavad, 8.Momal Abdulridha Ogali, 9.Vaka Ramazon Juma, 13.Ali Majid Al Rubayi, 14.Merchas Gazi Solih, 15.Mhuammad Albaqar Guraibavi, 16.Muntaxer Abdulamir, 19.Hasan Rid Matruk, 20.Aleksander Aoraxa (11.Muntaxer Muhammad, 46).
Zaxira: 1.Mustafo Atxab Al Sallami, 2.Abbos Badia Al Furaijat, 5.Baqar Atvan Al Magsusi, 6.Kardo Kamaran Afrosiyob, 10.Hasan Abdulkarim Said, 12.Hussayn Al Joli, 18.Xiran Azad Rafiq, 21.Ammar G‘olib Falih, 23.Ahmad Naim Alxafaji.

Ogohlantirish: 24 - Aleksander Aoraxa, 26 - Hasan Rid Matruk. 28 - Momal Abdulridha Ogali.
Chetlatish: 12 - Abduvohid Ne’matov. “Zamin” yangiliklarini “Telegram”da kuzatib boring