20:30 / 16.07.2022

"Bunyodkor" Minskda "Energetik-BGU" bilan jangovar durang qayd etdi

"Бунёдкор" Минскда "Энергетик-БГУ" билан жанговар дуранг қайд этди

Belarusda yigʻin oʻtkazayotgan "Bunyodkor" "Energetik-BGU" bilan nazorat bahsida qatnashdi.

Oʻyin boshidayoq 2 ta toʻp oʻtkazib yuborgan "Bunyodkor" 2-taymda vaziyatni oʻnglashga erishdi. Dastlab 58-daqiqada Umarali Rahmonaliev jarima zarbasi orqali chiroyli gol urgan boʻlsa, Jasur Hakimov oʻzi ishlagan penaltini muvaffaqiyatli amalga oshirib, muvozanatni tikladi – 2:2.

Alohida aytish joiz, "Energetik-BGU" etakchilari, shu jumladan, hujumchi Bobir Abdixoliqov va himoyachi Abduqodir Husanov mazkur uchrashuvda ishtirok etmadi. Belarusliklar safida hamyurtlarimizdan faqat Shohruh Abdurahmonov oʻynadi.

Birinchi taymda gʻalaba qozonib turgan Belarus klubi ikkinchi taymda 2004 va 2005 yillarda tavallud topgan futbolchilar xizmatidan foydalandi.

"Bunyodkor" – "Energetik-BGU" 2:2
Gollar: Ilya Grishenko, 12 - 0:1. Ilya Grishenko, 20 - 0:2. Umarali Rahmonaliev, 58 - 1:2. Jasur Hakimov, penalti 88 - 2:2.
"Bunyodkor" (1-taym): 32. Suhrob Sultonov, 3. Mahmud Mahamadjonov, 4. Davron Ergashev, 6. Avaz Oʻlmasaliev, 37. Muhammadodil Qahramonov, 10. Rasul Yoʻldoshev, 11. Dmitriy Pobulich, 21. Gʻayrat Azizxoʻjaev, 8. Frantsis Narx, 14. Husayn Ergashboev, 49. Ibrohim Tomiva.
"Bunyodkor" (2-taym): 91. Zafar Safoev, 7. Farhod Mirahmatov, 2. Sardor Xursandov, 4. Davron Ergashev, 29. Muzaffar Olimjonov, 19. Bilol Tupliev, 25. Muhammadsafo Fozilov, 33. Umarali Rahmonaliev, 15. Jasur Hakimov, 22. Usmonali Ismonaliev, 49. Ibrohim Tomiva.
"Energetik-BGU": 1. Denis Seledtsov, 3. Aleksey Lavrik, 15. Ilya Lukashevits, 25. Roman Papariga, 8. Yaroslav Makushinskiy, 5. Shohruh Abdurahmonov, 22. Maksim Kunskiy, 17. Danil Silinskiy, 11. Ilya Grishenko, 14. Pavel Pashevich, 9. Artyom Turich.

Bunyodkor1 Minsk1 Energetik-BGU1