Yaqinda Italiya futbolida g‘alati holat kuzatilgan edi. “Torino” jamoasining Avstriyada tashkil etilgan mavsum oldi yig‘ini doirasida bosh murabbiyi Ivan Yurich va klub direktori Davide Vanyati o‘rtasida ziddiyat chiqib, ular o‘zaro qo‘pol munosabatda bo‘lgandi.
Keyinchalik bu mojaroning kelib chiqishiga bosh murabbiyning klub mutasaddisidan yangi o‘yinchilar transferini talab qilgani sabab bo‘lgani aytildi.
Bir-biri bilan kelisha olmay qolgan mutaxassislar Eldor Shomurodovning ehtimoliy transferi tufayli o‘rtadagi gina-kudratni unutishiga to‘g‘ri keldi.
“Torino” yozda jamoani tark etgan asosiy to‘purar – Andrea Belottini o‘rniga aynan Eldor Shomurodovni olishni rejalashtiryapti.
Qizig‘i shundaki, xorvatiyalik bosh murabbiy Ivan Yurich o‘zbekistonlik legionerni jamoaning asosiy hujumchisi qilmoqchi. U o‘z tanlovini klub mutasaddilariga bildirdi.
Transferlarga mas’ul bo‘lgan Vadiye Vanyati ham jamoaga Shomurodovni olib kelmoqchi bo‘lib yurgan ekan. Har ikki mutaxassisning bu galgi fikri bir joydan chiqdi.
“Torino” vakillari “Roma” hujumchisiga bo‘lgan qiziqishni tasdiqlagan. Ular poytaxt klubi va Shomurodovning agentlari bilan muzokara olib bormoqda.
Turinliklar Eldorni keyinchalik sotib olish huquqi bilan bir muddat ijaraga olmoqchi. Lekin bu oson bo‘lmaydi. Chunki hamyurtimizga “Bolonya”, “Monsa” va “Sassuolo” kabi A Seriya klublaridan jiddiy qiziqish bo‘lmoqda.
Eldor Shomurodov 2020 yildan beri Italiya chempionatida to‘p tepmoqda. U dastlabki mavsumni “jenoa” safida o‘tkazgan. O‘tgan yoz esa “Roma”ni qabul qilib olgan Joze Mourino poytaxt klubi rahbariyatidan Eldor Shomurodovni olib kelishni talab qildi. Oradan bir yil o‘tib, portugaliyalik mutaxassis o‘zbek futbolchisi bilan xayrlashishni ma’qul topdi.
Kuchli beshlik chempionatlariga qadar O‘zbekiston va Rossiya ligalarida to‘p tepgan hamyurtimizning Italiyadagi statistikasiga e’tibor qaratamiz.
Eldor “Jenoa” va “roma” tarkibida A Seriyada jami 59 marotaba maydonga tushib, raqiblar darvozasiga 11 ta to‘p kiritgan va jamoadoshlarini besh marta golli pas bilan ta’minlagan.
Italiya kubogi musobaqasida legionerimiz hisobida ikkita o‘yin va bittadan gol hamda assist bor.
Konferensiyalar ligasida Shomurodov saralash, guruh, pley-off va final bosqichlarida hammasi bo‘lib 11 marotaba maydonga tushdi. Bu bahslarda bir gol va ikki assist muallifi bo‘ldi. Shomurodov Italiyadagi faoliyati davomida o‘zi ishtirok etgan barcha musobaqalarda gol va assist qayd etgani ahamiyatli.
Umumiy hisobda, Shomurodov klublar miqyosida 221 ta bellashuvda qatnashib, o‘z hisobiga 45 ta gol va 23 ta assist yozdirib qo‘ygan.
Eldorning O‘zbekiston milliy terma jamoasidagi statistikasi ham ancha yuqori.
Terma jamoamiz sardori 2015 yildan beri 56 ta xalqaro uchrashuvda raqiblar darvozasini 30 marotaba ishg‘ol qilishga muvaffaq bo‘lgan. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Yaxshi pishgan va mazali anor tanlashga yordam beradigan tavsiyalar
Donald Tramp 27 yoshli Karolin Levittni Oq uy matbuot kotibi etib tayinlamoqchi
AQSH Isroilning ikki vaziriga sanksiya qo‘llamoqchi
Jo Bayden: “Ba’zan xotinim meni kosmosga jo‘natish bilan tahdid qiladi”
AQSH harbiylari orasida o‘z joniga qasd qilish ko‘paydi
Pashinyan Armanistonning Mustaqillik deklaratsiyani eng katta muammo va fojia deb atadi
Apple dongdor ikki ayfonini rasman eskirgan deb e’lon qildi
Har qanday katta yoshdagi kishi yetuk emas
