Hindistonning Chennai shahri mezbonlik qilgan 44-Butunjahon shaxmat Olimpiadasining soʻnggi tur bahslari 9 avgust, seshanba kuni boʻlib oʻtdi.
Oʻzbekiston erkaklar terma jamoasi hal qiluvchi turda Niderlandiyaga qarshi bahs olib bordi.
Jahongir Vohidov oʻz partiyasini gʻalaba bilan yakunladi. Nodirbek Abdusattorov, Nodirbek Yoqubboev va Javohir Sindorov esa durang qayd etdi. Oʻzbekiston 2,5:1,5 hisobida gʻalaba qozondi.
Mazkur gʻalaba orqali Oʻzbekiston erkaklar terma jamoasi oltin medal masalasini hal qildi va oʻz tarixida ilk bor Olimpiada chempioniga aylandi.
Qayd etish kerak, Oʻzbekiston erkaklar terma jamoasi Olimpiadada birorta turni boy bermagan yagona jamoa boʻldi.
Oʻzbekiston erkaklar terma jamoasi shaxmat Olimpiadasida Nepal (4:0), Farer orollari (4:0), Sloveniya (3:1), Slovakiya (4:0), Peru (4:0), Armaniston (3:1) termalarini yutgan boʻlsa, AQSh, Hindiston va Hindiston-2 bilan durang (2:2) oʻynadi.
Shaxmat Olimpiadasi1 Jahongir Vohidov1 Nodirbek Abdusattorov1 Nodirbek Yoqubboyev1 Javohir Sindorov1
“Zamin” yangiliklarini “Telegram”da kuzatib boring 
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
