Jahongir Kenjayev: "Shahzod Sultonov nafaqat aktyor balki iste’dodli yakkakurash ustasidir"

Xabaringiz bor, yurtimizda professional K-1 yo‘nalishida janglar tashkil etuvchi, Kenjayev_Professional_League tashkil etilgan va bunga qadar 2 ta turnirni ajoyib tarzda o‘tkazishga ulgurdi.

Navbatdagi 3-turniri 17 sentabr kuni Andijon viloyati Poytug‘ shaharchasida bo‘lib o‘tadi. Qiziqarli jihati ushbu jang kechasining markaziy to‘qnashuvida ajoyib aktyor Shahzod Sultonov ham ringga ko‘tariladi.

Sultonov -91 kg vazn toifasida Farog‘iddin Turdiboyevga qarshi ringga ko‘tariladi.

Ushbu liga asoschisi Jahongir Kenjayevning saytimizga ma’lum qilishicha, Shahzod Sultonov va Farog‘iddin Turdiboyev jangi K-1-Bushido yo‘nalishida bo‘lib o‘tadi.

- Ko‘pchilik bu jangni MMA bo‘yicha o‘tkaziladi, degan mazmunda xabarlar bermoqda. Aslida, bu bahs bushido bo‘yicha bo‘ladi. Shuningdek, Shahzod Sultonov nafaqat aktyor balki iste’dodli yakkakurash ustasi ham sanaladi. Shuning uchun, ham biz ushbu jangni tashkil qildik. O‘ylaymanki, bu qarama-qarshilik juda qiziq bo‘ladi va professional jangning guvohiga aylanasizlar. Bu shunchaki shou emas! “Zamin” yangiliklarini “Twitter”da kuzatib boring