A Seriyaning beshinchi turida “Udineze”dan qaqshatqich zarbaga uchragan “Roma” yangi mavsumdagi yana bir musobaqa – Yevropa ligasidagi yurishini boshlaydi.
Joze Mourino shogirdlari o‘tgan mavsumda kuchli oltilikka kirgani va bundan tashqari, Konferensiyalar ligasida g‘olib chiqqani uchun joriy mavsumda xalqaro maydonda Yevropa ligasida o‘ynashi belgilangan.
“Roma” rahbariyati portugaliyalik mutaxassis va uning shogirdlari oldiga UYEFAning ikkinchi turnirida ham g‘olib chiqish vazifasini yuklagan. Yevropa ligasining guruh bosqichi 8 sentabrdan boshlanadi.
Ushbu turnir oldidan Joze Mourino qiyin vaziyatga tushib qoldi. Bu mutaxassis jamoasining asosiy kuchi sifatida hujum chizig‘ini belgilagan. Yozda asosiy transfer nishoni sifatida Paulo Dibala olib kelingani, keyinchalik rimliklar Andrea Belotti uchun oxirigacha kurashgani shundan dalolat beradi.
Har holda sport direktori Tyagu Pinto bosh murabbiy olishni istagan har ikki yulduzni uning qo‘liga topshirdi.
Shunga qaramay, Joze Mourino Yevropa ligasi starti oldidan hujumchilar borasida kutilmagan muammoga duch keldi. Yaqinda universal hujumkor futbolchi Nikolo Dzanolo yelkasidan jiddiy shikastlanib, bir necha haftaga safdan chiqqan edi. Keyinroq, asosan zaxiradan o‘yinga qo‘shilayotgan Stefan El-Shaaravida ham jarohat aniqlandi va bu ikki hujumkor futbolchi “Udineze”ga qarshi uchrashuvni o‘tkazib yuborishga majbur bo‘ldi.
Jarohatlar epidemiyasi “Udineze” bilan o‘yinda ham davom etdi. Asosiy hujumchi vazifasini bajarib kelayotgan Temmi Abraxam yelkasidan jarohat olib, o‘rnini Eldor Shomurodovga bo‘shatib berishga majbur bo‘ldi.
Tibbiy tekshiruvlarda aniqlanishicha, angliyalik futbolchi jamoasining kamida ikkita uchrashuvini o‘tkazib yuboradi. Ya’ni, Temmi Abraxam 8 sentabr kuni Yevropa ligasining birinchi turida Bolgariyada bo‘ladigan “Ludogores” va A Seriya doirasida 11 sentabr kuni safarda “Empoli” bilan bahslarni o‘tkazib yuborilishi aytildi.
Biz uchun e’tiborga molik talabi hujum vakillaridan uch nafarining safdan chiqishi Eldor Shomurodovning maydonga tushish imkoniyatlarini oshirib yuboradi. Tabiiyki, Joze Mourino boshlang‘ich tarkibda ko‘proq Paulo Dibala va Andrea Belottiga ishonch bildirishi ehtimoli katta. Lekin uch kunda bir o‘ynagan pallada faqat ikki hujumchidan foydalanish aqlli qaror bo‘lmaydi.
Qolaversa, “Udineze” bilan bo‘lgan o‘yinda portugaliyalik mutaxassis legionerimizni ham maydonga tushirgani bo‘lajak bellashuvlarda Shomurodov o‘z imkoniyatini olishidan darak bermoqda.
Shunday ekan, Eldor ham gollari va assistlar hisobini ochish orqali hamon “Roma”da o‘z o‘rniga ega ekanini ko‘rsatib qo‘yadigan payt keldi va hamyurtimiz qulay vaziyatdan imkon qadar ko‘proq foydalanib qolishi kerak bo‘ladi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
20 yoshli o‘zbekistonlik qizni qarindoshi Turkiyaga sotib yubordi
Rossiyalik deputat: «Oliy ma’lumotlilarning kurerlik qilishi — vatanparvarlikka zid»
Shols va Putin o‘rtasidagi suhbat Kiyevga signal bo‘ldi
Yaxshi pishgan va mazali anor tanlashga yordam beradigan tavsiyalar
Apple dongdor ikki ayfonini rasman eskirgan deb e’lon qildi
Pashinyan Armanistonning Mustaqillik deklaratsiyani eng katta muammo va fojia deb atadi
Jo Bayden: “Ba’zan xotinim meni kosmosga jo‘natish bilan tahdid qiladi”
Ayrim boshqaruv servis kompaniyalari shartnomalarida asossiz shartlar belgilangani aniqlandi
