Eldor gol kiritib, barchani xursand qilgani, biroq meni boshqa narsa xursand qildi. Uning golni qanday nishonlagani! Odatda, zaxirada ko‘p o‘tirayotgan va muxlislar tanqidiga uchrayotgan futbolchilar gol urganda, ularning ayrimlari golni shu tarzda nishonlaydi. (Sizlarni eshitmayapman, degan ma’noda)
Shunaqa tryuklar ham qila olarkan Eldor :) Gol urish va uni bunday nishonlash qisman unga entuziazm taqdim etadi. Buning yomon tomoni yo‘q, aksincha!
"Shoma" barcha bo‘layotgan bosimni his qilayotgani va ularni yengib o‘tish uchun o‘z-o‘zini yengganini ko‘rsatib qo‘ydi. U bilan kichik intervyu uyushtirganimizda, qanchalar og‘ir-vazmin yigit ekanligiga amin bo‘lgan edim. Bugun, kamtarin, kamsuqum yigit golni bunday nishonladi. Demak, u "Roma"da imkonsizligi uchun emas, ISBOTLASH uchun qolgan ko‘rinadi. Ichida yashirin "menini" uyg‘ota olganidan xursandman. Davomli bo‘lsin. Mayli, bugun jamoasi yengildi, ammo Eldor boshlagan kurashidagi ilk g‘alabasini qo‘lga kiritdi. Hozir, biz uchun shunisi muhimroq!
— Шухрат Раззаков (@ShuhratRazzakov) September 9, 2022
O‘yinning 67 daqiqasida Joze Mourino hamyurtimizni maydonga tushirgani ko‘p narsani anglatadi. U o‘yinni qutqarib qolish ilinjida bu ishga qo‘l urdi. Demak, Eldorda tablodagi hisobga ta’sir ko‘rsatish imkoniyati bor ekanligini his qilmoqda. Bu quvonarli xolat. Asosiy hujumchi bo‘lishi taxmin qilingan Belotti bugun shunchaki maydonda "yo‘qolib" qoldi. Agar 2-3 marotaba murabbiyning ko‘rsatmalarini to‘liq bajara olmasa, bir zumda asosiy tarkibdagi o‘rnini yo‘qotib qo‘yishi aniq.
"Mour" hech kimga ikkinchi imkonni bermagan. Bermasa ham kerak. Eldor nafaqat o‘zi uchun, balki asosiy tarkibdagi o‘rni uchun ham oxirigacha "jang" qilishi shart. "Roma"ga o‘tgani, bu uning karerasidagi eng pik nuqta bo‘lmasligi shart. Umid qilamiz-ki, hamyurtimiz mavsumdagi ilk golidan so‘ng, o‘ziga bo‘lgan ishonchi yanada ortadi.
Dibala tarkibga qo‘shib olingach, tayanch zonasidagi ijrochilardan biri o‘yin sxemasidan olib tashlanishiga to‘g‘ri keladi. Boshqachasiga Joze argentinalik futbolchini asosiy tarkibga qo‘shishni uddalay olmaydi. Demak, "Roma" joriy mavsumda ko‘proq hujum qilishga intiladi. Bu esa, markaziy hujumchilar uchun ish yanada ortishidan dalolat. Eldor tempni tushirib yubormasa, Abraxam va Belottiga bemalol bosim qilishi mumkin.
Yahyoxo‘ja Ulug‘xo‘jayev
“Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
20 yoshli o‘zbekistonlik qizni qarindoshi Turkiyaga sotib yubordi
Rossiyalik deputat: «Oliy ma’lumotlilarning kurerlik qilishi — vatanparvarlikka zid»
Shols va Putin o‘rtasidagi suhbat Kiyevga signal bo‘ldi
Yaxshi pishgan va mazali anor tanlashga yordam beradigan tavsiyalar
Apple dongdor ikki ayfonini rasman eskirgan deb e’lon qildi
Pashinyan Armanistonning Mustaqillik deklaratsiyani eng katta muammo va fojia deb atadi
Jo Bayden: “Ba’zan xotinim meni kosmosga jo‘natish bilan tahdid qiladi”
Ayrim boshqaruv servis kompaniyalari shartnomalarida asossiz shartlar belgilangani aniqlandi
