Xabaringiz bor, yaqinda iste’foga chiqarilgan Viktor Karpenko o‘rniga chernogoriyalik Ivan Boshkovich "Bunyodkor" bosh murabbiyi etib tayinlandi.
Jamoa kechadan e’tiboran Boshkovich qo‘l ostida navbatdagi o‘yinga tayyorgarlikni boshladi. Murabbiylar shtabida unga Murod Zuhurov, Abduhamid Qodirov ko‘maklashdi. Mashg‘ulotlar yakunlangach Ivan Boshkovichning fikrlari bilan qiziqdik.
- Rahbariyat tomonidan "Bunyodkor"ning asosiy jamoasiga bosh murabbiy bo‘lish taklifini qanday qabul qildingiz?
- Biroz kutilmagan bo‘ldi. Lekin "Bunyodkor" bosh murabbiyi bo‘lish katta sharaf. Shu bois qandaydir ajablanarli joyi yo‘q. Taklifni mamnuniyat bilan qabul qildim.
- Qiyin vaziyatda jamoa boshqaruvini qo‘lingizga oldingiz. Buyog‘iga tavakkal qilish kerakmi? Chunki qolgan o‘yinlarda natija ko‘rsatish talab qilinadi...
- Murabbiylik ishi oson emas, qiyinchiliklarga boy. Ayni paytda qanday holatda ekanligimiz barchaga ma’lum. Lekin biz "Bunyodkor"miz. O‘ylaymanki, vaziyatni yaxshilash va mavsumni hozirgi egallab turgan o‘rnimizdan teparoqda yakunlashimiz mumkin. Oldinda 8ta o‘yin qolgan. Kerakli ochkolarni jamg‘arish zarur.
- E’tibor bersak, bunga qadar asosan yoshlar, klub o‘rinbosarlari bilan ishladingiz. Bosh jamoa bilan ularning o‘rtasida tafovut katta..
- Albatta bu qiyinroq kechadi. Lekin men tayyorlandim. Bir tomondan murakkab, ikkinchi tomondan qiziqarli. Mana shu qiyinchiliklar orqali o‘samiz, ularni yengib o‘tamiz, deya olaman.
- Klubning U-21 jamoasidagi faoliyatingiz nima bo‘ladi?
- Doim kuzatib boraman va Abduhamid Qodirovga ko‘maklashaman. Asosiy va o‘rinbosarlar jamoasi o‘rtasida bog‘liqlik o‘rnatish uchun birgalikda ishlaymiz.
- Oldingizda vaqt kam. Shunday ekan jamoa, futbolchilar bilan gaplashib oldingizmi? Qanday o‘yin ko‘rsatadi, nimalar o‘zgaradi?
- Navbatdagi uchrashuvga tayyorgarlik ko‘rmoqdamiz. Oldinda 4 kun bor. Har bir murabbiyning o‘z g‘oyalari mavjud. Lekin buni asta-sekin amalga oshiramiz.
Muallif: Iskandarov Abdulaziz
“Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Pashinyan Armanistonning Mustaqillik deklaratsiyani eng katta muammo va fojia deb atadi
AQSH Isroilning ikki vaziriga sanksiya qo‘llamoqchi
Apple dongdor ikki ayfonini rasman eskirgan deb e’lon qildi
Jo Bayden: “Ba’zan xotinim meni kosmosga jo‘natish bilan tahdid qiladi”
Yaxshi pishgan va mazali anor tanlashga yordam beradigan tavsiyalar
Donald Tramp 27 yoshli Karolin Levittni Oq uy matbuot kotibi etib tayinlamoqchi
Endi operatsiyadan so‘ng kesmalar o‘rni ikki barobar tezroq bitishi mumkin
AQSH harbiylari orasida o‘z joniga qasd qilish ko‘paydi
