JCH-2022. O‘zbekiston nogiron-amputantlar terma jamoasining 1/8 finaldagi raqibi ma’lum

Turkiyada nogiron-amputantlar o‘rtasidagi 17-jahon chempionati guruh bosqich bahslari yakunlanmoqda.
Kolumbiya TJ “B” kvartetida 3-o‘rinni egallab, 1/8 finalda O‘zbekiston terma jamoasiga qarshi to‘qnash keladigan bo‘ldi.

Kolumbiyaliklarning guruh o‘yinlaridagi natijalari:
Meksika – Kolumbiya 1:1
Yaponiya – Kolumbiya 3:1
Kolumbiya – Germaniya 3:0

O‘zbekiston – Kolumbiya o‘rtasidagi bahs g‘olibiga chorak finalda Eron hamda Italiya juftligida muvaffaqiyatga erishgan jamoa raqiblik qiladi. Rustam Mehmonov shogirdlari bungacha Eron bilan JCH saralashida to‘qnash kelib, 0:1 hisobida yutqazgandi. Forslar o‘z navbatida Braziliya, Marokash hamda Irlandiya joy olgan guruhda 7 ochko bilan birinchi bo‘ldi, italiyaliklar esa “F” kvartetida amaldagi chempion Angoladan keyin ikkinchi o‘rinni band etdi.

Eslatib o‘tamiz, 1/8 final uchrashuvlari 5 oktabrda bo‘lib o‘tadi. O‘zbekiston ketma-ket uch marta 2007, 2010, 2012 jahon chempioni (rekord) bo‘lgan, shuningdek, 1990, 1991 yillarda ham titul sohibiga aylangan. “Zamin”ni Telegramʻda oʻqing!