“Roma” Yevropa ligasi uchinchi turida muhim uchrashuvni o‘tkazadi. Joze Mourino shogirdlari dastabki ikki turdagi bitta g‘alaba va bitta mag‘lubiyat bilan S guruhida uchinchi o‘rinni egallab turibdi.
Jamoa keyingi bosqichga chiqish imkoniyatiga ega bo‘lish uchun Ispaniyaning “Betis” jamoasi bilan bo‘ladigan muhim bahsda uch ochkoni qo‘lga kiritishi lozim. Ayni paytda ispanlar guruhning qolgan ikki vakili – “Ludogores” va XIK ustidan qozonilgan g‘alabalar evaziga olti ochko bilan yakka peshqadam bo‘lib turibdi.
Bo‘lajak bahsda guruhdagi eng kuchli va asosiy raqibga ochko ulashish Joze Mourino shogirdlariga keyingi bosqichga chiqish vazifasini o‘ta murakkablashtirib yuboradi. Shu bois, “bo‘rilar”ni faqat g‘alaba qoniqtiradi.
“Roma” hozircha ikki frontda ishtirok etayotgani uchun boshqa jamoalarga qaraganda ko‘proq o‘yin o‘tkazishiga to‘g‘ri kelmoqda.
La Gazzetta dello Sport nashrining ma’lum qilishicha, murabbiylar shtabi “Betis” bilan bo‘lajak o‘yinda tarkibda rotatsiyani amalga oshirmoqchi. Mourino qaroriga ko‘ra, mavsum boshidan beri ko‘p o‘yin o‘tkazgan Leonardo Spinatssola va Kris Smolling kabi futbolchilarga dam olish imkoniyati beriladi.
Bu futbolchilarning o‘rniga chap qanotda Nikola Zalevski, maydon markazida Marash Kumbulla o‘yinga tushishi kutilmoqda.
Jamoa sardori va yetakchisi Lorenso Pellegrini jarohati bois o‘yinni o‘tkazib yuborishi ehtimoli bor. Uning vazifalari Nikolo Dzanologa yuklatiladi.
La Gazzetta dello Sport jurnalistlarining yozishicha, hujum chizig‘ida o‘zgarishlar bo‘lishi kutilmoqda. Paulo Dibala jarohatidan keyin maydonga tushdi, biroq o‘tgan uchrashuvni erta tark etdi. Temmi Abraxam hali ham yuqori sport formasini tiklay olgani yo‘q. Yana bir hujumchi Stefan El-Shaaravi og‘ir jarohatdan endi qutildi.
Nashr ekspertlari bu holatda murabbiylar shtabi Andrea Belotti va Eldor Shomurodovga imkon berilishini ta’kidlamoqda. Demak, Shomurodov “Betis”ga qarshi o‘ynashi mumkin va bosh murabbiydan “Eldor, o‘yinga tayyorlan!”, degan xabarni kutyapti.
Aslida legionerimiz uchun Yevropa ligasidagi faoliyati omadli boshlandi. Eldor rimliklarning ushbu xalqaro musobaqadagi dastlabki golini urdi.
“Betis” ham guruhdagi peshqadamligini mustahkamlab olish uchun bo‘lajak bahsga jiddiy tayyorgarlik ko‘rmoqda. Bu haqda klub prezidenti Anxel Aro fikr bildirdi.
- Oldinda guruh bosqichining muhim o‘yini bor. Juda zo‘r o‘yin bo‘ladi. Ikkita buyuk klub, ikki nafar kuchli murabbiy qo‘l ostida minglab muxlislar ko‘z o‘ngida to‘qnash keladi. Guruhdagi peshqadamlikni saqlab qolishimiz shart. Bu balki guruhdagi hal qiluvchi bellashuv emasdir, lekin uning muhimligini inkor qilib bo‘lmaydi, - dedi Anxel Aro.
“Roma” – “Betis” uchrashuvi 6 oktabr kuni Toshkent vaqti bilan yarim tun – 00:00 da boshlanadi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Turkiyaning Harper's Bazaar nashri yil ayolini aniqladi (foto)
KXDR yetakchisi dronlarni ommaviy ishlab chiqarishni yo‘lga qo‘yishni buyurdi
20 yoshli o‘zbekistonlik qizni qarindoshi Turkiyaga sotib yubordi
Organizm o‘zini toksinlardan qanday tozalaydi?
Shols va Putin o‘rtasidagi suhbat Kiyevga signal bo‘ldi
Ayrim boshqaruv servis kompaniyalari shartnomalarida asossiz shartlar belgilangani aniqlandi
Bayden va Jinping Peruda uchrashdi: «Agar bir-birimizni raqib deb bilsak, munosabatlarni buzamiz»
Buyrak salomatligi uchun eng foydali sabzavot...
