Coca-Cola Superligasining 21-turidan o‘rin olgan "Olimpik" - "Neftchi" (1:1) uchrashuvidan so‘ng mezbonlar bosh murabbiyi Timur Kapadze matbuot anjumanida ishtirok etdi.
O‘yin haqida
- Biz bu ketishda duranglar bo‘yicha rekord qo‘yamiz. "Neftchi" yaxshi jamoa. Tartibli harakat qiladi, o‘zining uslubi bor. Bunaqa 5 talik himoyani yorib o‘tish osonmas. Yigitlar yaxshi harakat qilishdi, raqibga deyarli imkon berishmadi. Tezkor gol o‘tkazib yubordik, sababini o‘rganib chiqamiz. O‘yin haqida umumiy xulosam, bugun yana bitta gol urganimizda g‘alaba qozonishimiz ham mumkin edi. Xursand qiladigan tomoni o‘yinni nazorat qila oldik. Aniqlik bo‘yicha ishlashda davom etamiz.
- Aniqlik bo‘yicha muammo keyinchalik tajriba bilan kelishi mumkinmi?
- Ha, albatta, ko‘rganingizdek, vaziyatlar yomonmas. Qayerdadir tajriba yetishmayapti. Hammasi vaqti bilan keladi. Zich himoyaga qarshi tezroq o‘ynash kerak, shu bo‘yicha qayerdadir xato qilayapmiz. Fikrimcha, bugungi o‘yinda ko‘p vaziyat yaratdik. Ishlaymiz, qolganlari individual xolat.
- Jamoa futbolchilarida kayfiyat borasidagi muammo bordek tuyuldi. Klubda moliyaviy xolat qanday?
- Bu narsa bor, qanaqa ta’sirini berayapti, bilmayman. Tushuntirayapman, bu yoshdagi yigitlar pul uchun emas, maydonda ishtiyoq bilan harakat qilishi kerak. Mashg‘ulotlarda ishlab o‘zini ko‘rsatishi lozim. Biz yanada kuchli bo‘lishimiz kerak, shunda pul o‘zi keladi. Yigitlar maydonda yaxshi harakat qilishayapti. Ikkinchi raqamli bo‘lib o‘ynaydigan jamoaga qarshi o‘ynash oson emas. Biz har bir o‘yinda shu kabi xolatga duch kelayapmiz. Albatta, og‘ir uchrashuvlar bizning o‘sishimizga sabab bo‘ladi.
- Sizda asosiy darvozabon degan tushuncha yo‘q ekan. O‘yinlarga qaysi sabablar bilan darvozabonlar tanlanayapti?
- Men uchun barcha futbolchilar bir xil. Hammasiga imkon berayapmiz. Bugun o‘ynamaganlarni ertasi kungi yoshlar ligasida tushirayapmiz. Vladimir ham, Shukron ham yaxshi saviyadagi darvozabonlar. Ikkisining ham o‘ziga xos kuchli tomonlari bor. Men barcha futbolchilarni o‘sishlari uchun jamoaga olib kelganman. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Turkiyaning Harper's Bazaar nashri yil ayolini aniqladi (foto)
KXDR yetakchisi dronlarni ommaviy ishlab chiqarishni yo‘lga qo‘yishni buyurdi
20 yoshli o‘zbekistonlik qizni qarindoshi Turkiyaga sotib yubordi
Organizm o‘zini toksinlardan qanday tozalaydi?
Shols va Putin o‘rtasidagi suhbat Kiyevga signal bo‘ldi
Ayrim boshqaruv servis kompaniyalari shartnomalarida asossiz shartlar belgilangani aniqlandi
Bayden va Jinping Peruda uchrashdi: «Agar bir-birimizni raqib deb bilsak, munosabatlarni buzamiz»
Buyrak salomatligi uchun eng foydali sabzavot...
