12:54 / 16.10.2022
1 525

Boks. Deontey Uaylder raqibini 1-raunddayoq nokautga uchratdi (video)

Boks. Deontey Uaylder raqibini 1-raunddayoq nokautga uchratdi (video)
Foto: Getty Images
Professional boksning ogʻir vazn toifasida WBC sobiq chempioni Deontey Uaylder (43-2-1, 42 KO) Toshkent vaqti bilan 16 oktyabr tongida Bruklinda (AQSh) oʻzining navbatdagi jangini oʻtkazdi.

Uaylderga bu jangda finlyandiyalik Robert Helenius (31-4, 19 KO) raqiblik qildi. Jangning birinchi raundi yakunlanib borayotgan bir vaqtda Uaylder oʻzining kuchli zarbasi bilan raqibini chuqur nokaut holatiga tushirdi.

Shu tariqa Uaylder deyarli uch yillik tanaffusdan keyin gʻalabaga erishdi. Bundan avval amerikalik bokschi Tayson Fyuriga qarshi ikkita jang oʻtkazgan (2020 va 2021 yillar) va ularning ikkisida ham magʻlubiyatga uchragandi.
Ctrl
Enter
Xato topdIngizmi
Iborani ajratib Ctrl+Enter tugmasini bosing
Yangiliklar » Sport