Eldor Shomurodov O‘zbekiston milliy terma jamoasining noyabr oyidagi o‘rtoqlik uchrashuvlariga kelishdan oldin “Roma”ning Italiyadagi katta loyihasida ishtirok etdi va tadbirning asosiy qahramoni bo‘ldi.
“Roma” klubi 2018 yildan beri “Calcio con il Cuore” loyihasini amalga oshirib kelmoqda. Ushbu dastur doirasida mutaxassislar futbol maktablari murabbiylari, o‘qituvchilari va tarbiyalanuvchilarga maydonda birinchi tibbiy yordam ko‘rsatish hamda yurak bilan bog‘liq muammolar yuzaga kelganda defibrillyatordan samarali foydalanishning eng tezkor va sodda usullarini o‘rgatadi.
Mazkur loyiha doirasida Eldor Shomurodov “ASD Atletico Nativity” futbol maktabiga tashrif buyurib, tadbirda ishtirok etdi va maktabga defibillyator sovg‘a qildi.
Defibillyator taqdim qilish marosimi futbol maktabida tashkil qilingan birinchi tibbiyo yordam va defibillyatordan foydalanish bo‘yicha o‘tkazilgan o‘quv kurslaridan so‘ng bo‘lib o‘tdi.
Keyingi paytda futbol mashg‘ulotlari va uchrashuvlari davomida o‘yinchilarda yurak bilan bog‘liq muammolar yuz berishi bir necha marotaba kuzatilgan holat hisoblanadi. Shuning uchun futbol murabbiylari va o‘yinchilarda ana shunday vaziyatlarda shoshilinch yordam ko‘rsatish va defibillyator uskunasidan foydalanish ko‘nikmalarini shakllantirishga alohida e’tibor qaratilmoqda.
“Roma” futbol klubi ushbu loyihada ishtirok etayotgan barcha futbol maktablariga defibillyator jihozini yetkazib berishni yo‘lga qo‘ydi. Bu tadbirlardan maqsad sport mashg‘ulotlari vva o‘yinlari paytida yurak muammolari tobora ko‘payib borishini oldini olish, tegishli vaziyatlarda zaruriy jihoz va uskunalardan foydalanish malakasini oshirish, favqulodda holatlarda to‘g‘ri harakatlanishni kafolatlashdan iborat.
Ushbu savobli ishga o‘z hissasini qo‘shgan Eldor Shomurodov O‘zbekiston milliy terma jamoasi bosh murabbiyi Srechko Katanes taklifiga ko‘ra, bosh jamoamizning noyabr oyidagi o‘rtoqlik uchrashuvlariga jalb etildi.
Milliy terma jamoamiz bugun Qozog‘iston futbolchilari bilan dastlabki o‘rtoqlik uchrashuvini o‘tkazadi. 20 noyabr kuni Srechko katanes shogirdlari ancha jiddiy raqib – Rossiya milliy terma jamoasiga qarshi ikkinchi o‘rtoqlik bahsida maydonga tushadi.
Eldor Shomurodov O‘zbekiston milliy terma jamoasining sardori hisoblanadi. Tajribali hujumchimiz mamlakat bosh jamoasi safida 57 marotaba maydonga tushib, raqiblar darvozasini 31 marotaba ishg‘ol qilgan.
Eldor tez orada terma jamoamiz tarixidagi eng zo‘r to‘purarga aylanishi kutilmoqda. Shomurodov yana uchta to‘p kiritsa, hozirgi rekordchi Maksim Shatskixga yetib oladi. To‘rtinchi goli esa uni yangi rekordchiga aylantiradi.
Bo‘lajak uchrashuvlarda O‘zbekiston milliy terma jamoasiga omad va g‘alaba tilaymiz.
Manba: Sports.uz “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Donald Tramp 27 yoshli Karolin Levittni Oq uy matbuot kotibi etib tayinlamoqchi
Jo Bayden: “Ba’zan xotinim meni kosmosga jo‘natish bilan tahdid qiladi”
Apple dongdor ikki ayfonini rasman eskirgan deb e’lon qildi
Endi operatsiyadan so‘ng kesmalar o‘rni ikki barobar tezroq bitishi mumkin
AQSH harbiylari orasida o‘z joniga qasd qilish ko‘paydi
Rossiyalik deputat: «Oliy ma’lumotlilarning kurerlik qilishi — vatanparvarlikka zid»
Ayrim boshqaruv servis kompaniyalari shartnomalarida asossiz shartlar belgilangani aniqlandi
Shols va Putin o‘rtasidagi suhbat Kiyevga signal bo‘ldi
