
Qatardagi futbol boʻyicha jahon chempionati 1-turi doirasidagi Frantsiya - Avstraliya uchrashuv yakuniga etdi. Qiziqarli va keskin kurashlar ostida oʻtgan bellashuvda "uch ranglilar" qiyinchiliksiz 3 ochkoni rasmiylashtirishdi - 4:1.
Oʻyindagi hisob "kengrular" tomonidan ochildi. Bahsning 9-daqiqasida Kreyg Gudvin gol urib, jamoasini hisobda oldinga olib chiqdi. Ammo 27-daqiqada Adrien Rabo toʻp kiritib, oradagi muvozanatni tikladi. Biroz vaqt oʻtib, aniqrogʻi 32-daqiqada Olive Jiru jamoasining ikkinchi goliga mualliflik qildi va tabloni 2:1 koʻrinishiga keltirib qoʻydi. Dastlabki taymning qolgan daqiqalari ham keskin kurashlar boy boʻldi, ammo birinchi boʻlimda darvozalarga boshqa toʻp kiritilmadi.
Ikkinchi taym ham Frantsiyaning ustunligi ostida boshlandi. Ushbu ustunlik 68-daqiqaga kelib hisobda ham oʻz aksini topdi. Kilian Mbappe bosh bilan toʻp kiritib, jamoasining musobaqadagi uchinchi goliga mualliflik qildi. Oradan 3 daqiqa oʻtib, Jiru oʻzining dublini nishonladi va hisobni yirik koʻrinishga keltirib qoʻydi. Mazkur natija oʻyin oxirigacha oʻzgarmadi va Frantsiya 1-turda oʻz hisobiga qiyinchiliksiz 3 ochkoni yozdirib qoʻydi.
JCh-2022. Frantsiya - Avstraliya 4:1
Gollar: Kreyg Gudvin (Mettyu Leki) 9', Adrien Rabo (Teo Ernandes) 27', Olive Jiru (Adrien Rabo) 32', Kilian Mbappe (Usman Dembele) 68', Olive Jiru (Kilian Mbappe) 71'
Frantsiya: 1. Ugo Loris, 2. Benjamen Pavar (5. Jyul Kunde 89'), 24. Ibraima Konate, 18. Dayo Upamekano, 21. Lyuka Ernandes (22. Teo Ernandes 13'), 8. Orelen Tchuameni (13. Yussuf Fofana 77'), 14. Adrien Rabo, 11. Usman Dembele (20. Kingsli Koman 77'), 7. Antuan Grizmann, 10. Kilian Mbappe, 9. Olive Jiru (26. Markus Tyuram 89').
Zaxira: 16. Stiv Mandanda, 23. Alfons Areolya, 3. Aksel Disasi, 4. Rafael Varan, 6. Matteo Genduzi, 12. Randal Kolo-Muani, 15. Jordan Veretu, 17. Vilyam Saliba, 25. Eduardo Kamavinga.
Avstraliya: 1. Metyu Rayan, 3. Nataniel Atkinson (2. Milosh Degenek 85'), 19. Garri Suttar, 4. Kay Rouls, 16. Aziz Bexich, 14. Rayli Makgri (11. Aver Mabil 73'), 13. Aaron Muy, 22. Djekson Irvayn (26. Keanu Bakkus 85'), 7. Mettyu Leki, 15. Mitchell Dyuk (25. Jason Cummings 56'), 23. Kreyg Gudvin (21. Garang Kuol 74').
Zaxira: 12. Endryu Redmeyn, 18. Denni Vukovich, 5. Fran Karachich, 6. Marko Tilio, 8. Beyli Rayt, 9. Djeymi Maklaren, 10. Aydin Xrustich, 17. Cameron Devlin, 20. Tomas Deng, 24. Djoel King.
Ogohlantirishlar: Mitchell Dyuk 55', Djekson Irvayn 80', Aaron Muy 90+5'
Jahon chempionati 1-turi doirasidagi Frantsiya - Avstraliya uchrashuvi qisqacha videosharhini tomosha qiling.
“Zamin” yangiliklarini “Telegram”da kuzatib boring
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar