JCH—2022. Senegal terma jamoasi Qatarni mag‘lubiyatga uchratdi

Futbol bo‘yicha JCH—2022 1-turida Qatar va Senegal terma jamoalari 25 noyabr, juma kuni o‘zaro to‘qnash keldi.

Uchrashuvning 41-daqiqada Bulaye Dia senegalliklarni oldinga olib chiqdi. Ikkinchi bo‘lim debyutida Famara Diyediu hisobni ishonchli ko‘rinishga olib keldi.

Bunga mezbonlar 78-daqiqada Muhammad Muntarining goli bilan javob qaytardi. 84-daqiqada Amadu Bamba Diyeng yakuniy hisobni o‘rnatdi.

Shu tariqa Qatar ikkinchi o‘yinda ham imkoniyatni boy berib, pley-offga yo‘llanmasi olish imkoniyatini deyarli yo‘qotdi.

Guruhning ikkinchi o‘yini Niderlandiya va Ekvador terma jamoalari o‘rtasida kechadi.

JCH—2022
2-tur bahsi
Qatar — Senegal 1:3
Gollar: 0:1 – 41 Dia, 0:2 – 48 Diyediu, 1:2 – 78 Muntari, 1:3 – 84 Diyeng.
Qatar: Barsham, Muhammad, Xuxi, Ro-Ro (Abdulvahob, 83), Hassan, Ahmed (Salmon, 83), Budiaf (Hatem, 69), Madibo, Al-Haydos (Muntari, 74), Ali, Afif.
Senegal: Mendi, Sabali, Kulibali, Diallo, Yakobs (Sisse, 77), Guye, Mendi (Sarr, 78), Sarr (Ndiay, 74), Diyediu (Diyeng, 74), Dia, Diatta (Siss, 64).
Ogohlantirishlar: Muhammad (20), Dia (30), Ahmed (45), Yakobs (52), Siss (87), Madibo (90). “Zamin”ni Telegramʻda oʻqing!