JCH-2022. Sensatsiya qayd etgan Saudiya Arabistoni 2-turda Polshaga mag‘lub bo‘ldi (video)

Jahon chempionati "C" guruhi doirasidagi 2-turdan o‘rin olgan Polsha va Saudiya Arabistoni terma jamoalari o‘rtasidagi o‘yin nihoyasiga yetdi. Mazkur bellashuvda polshaliklar 2:0 hisobida g‘alaba qozondi.

Uchrashuvning 39-daqiqasida Levandovskining uzatmasidan so‘ng Zelinski hisobni ochdi. Birinchi bo‘lim yakunida Saudiya terma jamoasi futbolchisi penaltidan Salim Al-Dovsariy gol ura olmadi, uning zarbasini darvozabon qaytardi.

82-daqiqada himoyachining xatosidan keyin Robert Levandovski termasining ikkinchi goliga mualliflik qildi.

Polsha – Saudiya Arabistoni 2:0
Gollar: 1:0 – 39 Zelinski, 2:0 – 82 Levandovski.
Polsha – Shchensni, Kesh, Glik, Kiver, Bereshinski, Zelinski (Kaminski, 63), Frankovski, Krixovyak, Belik, Levandovski, Milik (Pentek, 71).
Saudiya Arabistoni – Al-Ovays, Abdelxamid, Al-Bulayxi, Al-Amri, Al-Breyk (Al-Ganam, 65), Al-Dosari, Kanno, Al-Malki (Al-Obod, 85), Al-Nadji (Al-Abed, 46), Al-Breykan, Al-Shexri (Al-Dosari, 86).
Ogohlantirishlar: Kiver (15), Kesh (16), Milik (19), Al-Malki (21), Al-Amri (45).
“Zamin” yangiliklarini “Facebook”da kuzatib boring