Yanvar oyida Eldor Shomurodovni so‘rab, “Roma”ga murojaat qiladigan klublar soni yanada ortishi kutilyapti.
Hozircha, Joze Mourino ishonchidan uzoqda qolayotgan legionerimizga Italiyaning bir necha klublar da’vogarlik qilmoqda. Bu jamoalarning barchasi hujum chizig‘ida muammoga duch kelgan va gol ura oladigan forvardga ehtiyoj sezmoqda.
Bir necha manbalar Shomurodov “Monsa”, “Boloya”, “Sampdoriya”, “Torino” va “Kremoneze” kabi klublar nishonida turgani haqida xabar tarqatgan.
Italiyaning eng nufuzli sport nashri La Gazzetta dello Sport eksperti M.Perelli o‘zbek hujumchisi uchun kurashda “Kremoneze”ni favorit ekanini ta’kidlamoqda.
Bu jamoa bosh murabbiyi Massimiliano Alvini yozda asosiy hujumchi pozitsiyasiga “Feyenoord”dan olib kelingan Siril Dessersning o‘yinidan va natijasidan umuman qoniqmagani aytilmoqda. Belgiyalik 28 yoshli futbolchi A Seriyada 13 ta uchrashuvda maydonga tushib, atigi ikki marta to‘p kiritdi xolos.
La Gazzetta dello Sport tahlilchilari “Kremoneze” rahbariyati “Roma” mutasaddilari bilan do‘stona aloqaga egaligini inobatga olib, Shomurodov uchun kurashda aynan mana shu klub ustunligini ta’kidlayapti.
Qolaversa, kremoneliklar Rim klubidan Tommazo Milaneze va Feliks Afena-Gyanni transfer qilishni uddalagan.
Mourino bergan imkoniyat yosh o‘yinchiga og‘irlik qildi
“Roma” bosh murabbiyi Joze Mourino o‘rinbosarlar jamoasida o‘zini ko‘rsatgan futbolchilarni asosiy tarkibga qo‘shishga alohida e’tibor qaratadi.
Portugaliyalik mutaxassis Yaponiyada o‘tkazilgan o‘quv-mashg‘ulot yig‘iniga yosh o‘yinchilardan bir nechtasini jalb qilgandi.
Shveysiyalik yarim himoyachi Benjamin Taxirovich uchun bu imkoniyat omadli bo‘lgani yo‘q. Iste’dodli futbolchi “Yokogama Marinos” jamoasiga qarshi o‘tkazilgan uchrashuvning birinchi bo‘limida jarohatlanib, maydonni tark etishga majbur bo‘lgandi.
O‘tkazilgan tibbiy ko‘rik futbolchining o‘ng oyoq mushaklari shikastlanganini ko‘rsatdi. Endi Taxirovichning maydonga qaytishi uchun ikki hafta atrofida vaqt kerak bo‘ladi.
“Roma” Braziliyadan yangi o‘yinchi topdi
“Roma” sport direktori Tyagu Pinto jamoani kuchaytirish uchun yangi nomlarni qidirishni odat tusiga aylantirgan.
Portugaliyalik mutaxassis o‘z ro‘yxatiga yangi futbolchi – Jonni Kardosoning nomini yozib qo‘ydi. Bu futbolchi AQSH terma jamoasiga nomzod o‘yinchilardan. U hozir Qatardagi jahon chempionatida ishtirok etmoqda.
Kardoso klublar miqyosida Braziliyaning “Internasonal” jamoasi sharafini himoya qiladi.
21 yoshli markaziy yarim himoyachi Yevropaning bir necha klublari e’tiborini o‘ziga qaratdi. Rimliklar futbolchini olish uchun “Bolonya”, “Spetsiya” va “Valensiya” bilan raqobatlashishiga to‘g‘ri keladi.
Jonni Kardosoning “Internasonal” bilan shartnomasi 2024 yilning 31 dekabriga imzolangan. Lekin uni 2,5 million yevroga xarid qilish mumkin. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Eron AQSHdan 1 trln dollar kompensatsiya talab qildi
Jo Bayden: “Ba’zan xotinim meni kosmosga jo‘natish bilan tahdid qiladi”
Rossiyalik deputat: «Oliy ma’lumotlilarning kurerlik qilishi — vatanparvarlikka zid»
Turkiyaning Harper's Bazaar nashri yil ayolini aniqladi (foto)
20 yoshli o‘zbekistonlik qizni qarindoshi Turkiyaga sotib yubordi
Shols va Putin o‘rtasidagi suhbat Kiyevga signal bo‘ldi
Rashida Tolib Kongress a’zolariga «achchiq haqiqat»ning suratini ko‘rsatdi
Ayrim boshqaruv servis kompaniyalari shartnomalarida asossiz shartlar belgilangani aniqlandi
