“Roma” sport direktori Tyagu Pinto qishki transferlar vaqtida Eldor Shomurodovga yangi jamoa topish ishlarini nazardan qochirayotgani yo‘q.
Rimliklar bosh murabbiy Joze Mourino ishonch bildirmayotgan bir necha futbolchi, xususan, Eldor Shomurodovni ham sotib yuborishga harakat qilmoqda. Hozir A Seriyaning bir necha klubi o‘zbek hujumchisini olish ilinjida Tyagu Pinto bilan muzokara olib bormoqda.
Bu borada “Torino” va “Fiorentina”ning imkoniyati yuqori baholanayotgan edi. “Roma” bu klublarning Shomurodovni keyinchalik sotib olish huquqi bilan mavsum oxirigacha ijaraga olish taklifini qabul qilmayapti.
Tyagu Pinto bu muzokaralarda Eldorning xaridorlaridan 11-12 million yevro undirmoqchi bo‘lyapti.
Endi Shomurodov bo‘yicha yangi variant paydo bo‘ldi. Rim klubi rahbariyati o‘zbek hujumchisi va italiyalik yosh himoyachi Edoarda Bovedan murabbiylar shtabi orzu qilayotgan futbolchi – Davide Frattezini qo‘lga kiritishda foydalanmoqchi.
Bu haqda https://www.calciomercato.com sayti xabar tarqatdi. Yana bir manba https://romapress.net jurnalistlari ham bu ma’lumotlarni tasdiqladi.
“Sassuolo” Davide Frattezini 30 million yevro atrofida baholamoqda. Bu yarim himoyachini “Roma” tarbiyalagan. Shu bois, poytaxtliklar iste’dodli futbolchini 30 foiz chegirma bilan qo‘lga kiritishi belgilangan. Chunki “Roma” Frattezini “Sassuolo”ga jo‘natganda futbolchining keyingi transferidan 30 foiz ulush olishi kelishilgan edi.
Tyagu Pinto “Sassuolo”ga pul o‘rniga ikki futbolchi – markaziy hujumchi Eldor Shomurodov va yarim himoyachi Edoardo Boveni olishni taklif qilyapti. Har ikki charm to‘p ustasi Joze Mourino qo‘l ostida yetarli o‘yin amaliyotiga ega bo‘lmayapti.
Joze Mourino mavsumning qolgan qismida maydon markazida boshqacha sxemalardan foydalanmoqchi. Buning uchun unga Davide Frattezi kerak. Portugaliyalik mutaxassis dispetcherlik vazifasini tajribali Nemanya Matichga yuklaydi. Ikki qanotda jarohatidan to‘liq qutilish arafasida turgan Jorjino Veynaldum va Davide Frattezi xizmatidan foydalanishni rejalashtirgan.
Ana shu maqsadda, Joze Mourino va Tyagu Pinto jamoa xo‘jayini Den Fridkin bilan tez kunlarda uchrashib, qishki transferlar vaqtidagi ishlar va tarkib masalasini muhokama qilib olmoqchi.
“Roma” mutasaddilari yanvarda Eldor Shomurodov va Edoardo Bovedan tashqari “Valensiya”ga ijaraga jo‘natilgan niderlandiyalik hujumkor futbolchi Jastin Klyuyvertni ham sotib yuborishga tayyorgarlik ko‘rmoqda.
Ispan klubi bosh murabbiyi Jennaro Gattuzo Klyuyvertning harakatlaridan qoniqish hosil qildi va rahbariyatdan bu futbolchini to‘liq transfer qilishni so‘ragan. Tyagu Pinto Jastinni qo‘yib yuborish uchun “Valensiya”dan 12 million yevro atrofida mablag‘ talab qiladi. Bu transfer pullari ham Davide Frattezini olishga yo‘naltirilishi kutilmoqda.
“Sassuolo” o‘tgan yozda Eldor Shomurodovga qiziqish bildirgan edi. “Roma” ana shu ma’lumotdan foydalanib, o‘zbek hujumchisini sassuololiklarga taklif qilmoqda. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
KXDR Rossiyaga 100 minggacha harbiy yuborishi mumkin
Organizm o‘zini toksinlardan qanday tozalaydi?
Omega-3 qanday qilib ozishga yordam beradi?
Donald Tramp 27 yoshli Karolin Levittni Oq uy matbuot kotibi etib tayinlamoqchi
Endi operatsiyadan so‘ng kesmalar o‘rni ikki barobar tezroq bitishi mumkin
Apple dongdor ikki ayfonini rasman eskirgan deb e’lon qildi
Jo Bayden: “Ba’zan xotinim meni kosmosga jo‘natish bilan tahdid qiladi”
Buyrak salomatligi uchun eng foydali sabzavot...
