Qishki transferlar vaqtida Eldor Shomurodov “Roma”ni tark etishi kutilmoqda. Ayni paytda A Seriyaning bir necha klublari, xususan, “Torino”, “Fiorentina”, “Kremoneze” va “Sampdoriya” o‘zbek hujumchisini o‘z safiga qo‘shib olish uchun kurashmoqda. Transfer mutaxassislari lenionerimiz uchun kurashda Turin klubining imkoniyatlarini yuqori baholayapti. Chunki Shomurodovning o‘zi aynan “Torino”ga ko‘chib o‘tishga moyillik bildirgan.
“Roma” rahbariyati, xususan sport direktori Tyagu Pinto 2021 yilning yozida 18 million yevroga transfer qilingan Eldor Shomurodovni 10 million yevro evaziga qo‘yib yuborishini ma’lum qilgan.
Shomurodov transferi italiyalik muxlislar tomonidan keng muhokama qilinmoqda. “Roma” ishqibozlarining aksariyati bosh murabbiy Joze Mourino bir necha pozitsiyada o‘ynay oladigan o‘zbekistonlik forvardga yetarli imkoniyat bermadi, degan fikrlarni ilgari surmoqda.
“Torino” muxlislari esa, jamoaga Eldor singari mehnatkash hujumchi kerakligini yozmoqda.
Quyida e’tiboringizga italiyalik muxlislarning Shomurodov transferiga munosabatini havola etamiz.
Sor Pasquino:
Faqat g‘aznaga qarayapsizlar. Shomurodovga achinaman. Bu hujumchi “Torino” yoki “Bolonya”da o‘zini ko‘rsata olishiga aminman. Eldor yaxshi futbolchi, jiddiy professional, birorta muammosi yo‘q. Kam o‘ynagan bo‘lsa-da, hurmat qilishimizga loyiq futbolchi.
ADAMAS-----ALESSANDRO:
Ideal hujumchi. Omad tilayman. Bizga ana shunday to‘purar kerak edi!
Don:
Bu gaplarga qo‘shilaman. Nimalarga qodirligini ko‘ramiz.
Solide realtà ex Sogni di Latta:
Afsuski, Mourino Shomurodovning imkoniyatlariga e’tibor qaratmayapti. Statistika hujumchi tomonida. Terma jamoasidagi gollari va assistlari top darajada. Mourino Eldor tugul Kevin de Bryuynedek futbolchining salohiyatiga shubha qilgandi...
Baltiroma:
Shomurodovni ketkazib, hali rosa pushayman bo‘lamiz. Nega unga yetarli joy ajratilmaganini tushunish qiyin.
“100”:
Men ham o‘zimga doim shu savolni beraman. Axir Mourino Eldorni har kuni ko‘radi, lekin unga o‘ynashi uchun imkoniyat bermaydi. “Roma”ga gollar kerak bo‘lgan paytda ham Eldorni maydonga tushirmaydi. Bunga asosli sabab bo‘lishi kerak-ku. Nima bo‘lgan taqdirda ham Shomurodovga omad tilayman.
Danilo:
Yuqoridagi hamma fikrlarga qo‘shilaman. Shomurodov zo‘r o‘yinchi. Boshqa o‘yinchilarning ahvoli unikidan yaxshi bo‘lmagan paytda ham Eldorga o‘yin amaliyoti berilmayotgani tushunarsiz.
Mario:
Ertaga Eldorning ishlari yurishib ketsa, “Roma”ga mos kelmagandi, deb izohlasak kerak.
The Wall:
Agar o‘ynagan daqiqalari va gollari sonini hisobga olsak, men uchun “Roma”ning eng yaxshi hujumchisi Eldor bo‘lib qolaveradi.
Francesco:
Yaxshi o‘yinchi, borgan joyida o‘ynab keta oladi. Agar yetarli o‘yin amaliyoti berilganida bir mavsumda kamida 14 ta gol urishni uddalardi.
Golia89:
Mening fikrimcha, Shomurodov “Torino”ning muhim o‘yinchisiga aylana oladi.
Mou100:
Eldor texnik jihatdan juda kuchli, lekin ko‘proq shiddat ko‘rsatishi kerak. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
KXDR Rossiyaga 100 minggacha harbiy yuborishi mumkin
Organizm o‘zini toksinlardan qanday tozalaydi?
Omega-3 qanday qilib ozishga yordam beradi?
Donald Tramp 27 yoshli Karolin Levittni Oq uy matbuot kotibi etib tayinlamoqchi
Endi operatsiyadan so‘ng kesmalar o‘rni ikki barobar tezroq bitishi mumkin
Apple dongdor ikki ayfonini rasman eskirgan deb e’lon qildi
Jo Bayden: “Ba’zan xotinim meni kosmosga jo‘natish bilan tahdid qiladi”
Buyrak salomatligi uchun eng foydali sabzavot...
