“Roma”da yetarli o‘yin amaliyotiga ega bo‘lmayotgan Eldor Shomurodov qishki transferlar vaqtida jamoasini o‘zgartirishi mumkinligi haqida juda ko‘p xabarlar tarqatilayotgan edi.
Legionerimizning o‘zi “Torino”ga ko‘chib o‘tishga moyillik bildirgan. Turin klubi ham yanvarda futbolchimizni asosiy transfer nishoni sifatida belgilagan edi. “Torino” sport direktori Davide Vagnatti Rim klubidagi hamkasbi Tyagu Pinto bilan o‘zbek hujumchisi masalasida bir necha haftadan beri muzokara olib bormoqda.
Har ikki tomon Shomurodov transferi bo‘yicha o‘z variantini ochiqlagan. Unga ko‘ra, “Torino” Eldorni mavsum oxirigacha ijaraga olmoqchi va natijalariga qarab, mavsum yakunida uni to‘liq transfer qilish bo‘yicha bir qarorga kelishini bildirgan.
Tyagu Pinto 2021 yilning yozida Eldor Shomurodov uchun “Jenoa”ga 18 million yevro to‘langanini inobatga olib, vaziyatdan maksimal foyda chiqarishga urinmoqda. Portugaliyalik mutaxasss o‘zbek hujumchisini 10 million yevroga baholab, Turin klubidan uni to‘liq transfer qilish yoki yozda xarid qilish majburiyatini olishni talab qilyapti.
Muzokaralarning deyarli barcha bandlari bo‘yicha kelishuvga erishib bo‘lingan. Lekin Tyagu Pinto Shomurodov transferini sotib olish majburiyatiniya yuklayotgani “Torino” rahbariyatiga ma’qul kelmayapti va ish shu joyida to‘xtab qolgan.
“Torino” joriy mavsum ham Yevrokuboklarga yo‘llanma beradigan o‘rinlar uchun kurashmoqda. Yozda jamoaning ko‘pyillik to‘purari Andrea Belotti ketganidan keyin hujum chizig‘ida juda katta muammolar ko‘zga tashlana boshladi.
Bir so‘z bilan aytganda, Turin klubi yanvar oyida markaziy hujumchi olishi shart. “Roma”ning Shomurodov bo‘yicha kelishuvni yakunlashni paysalga solayotgani Vagnattini boshqa hujumchi qidirishga majbur qilmoqda.
Italiya matbuotining yozishicha, turinliklar Shomurodov o‘rniga Valid Cheddira nomzodini o‘rgana boshladi. Marokash va Italiya fuqaroligiga ega 24 yoshli futbolchi V Seriyada “Bari” klubi sharafini himoya qilmoqda.
Cheddira Shomurodovdan farqli ravishda muntazam o‘yin amaliyotiga ega bo‘lmoqda va to‘purarlik mahoratini namoyish qilib kelmoqda. Italiya chempionatining B Seriyasida 13 ta uchrashuvda raqiblar darvozasini o‘n marotaba ishg‘ol qildi va beshta golli pas uzatdi.
Bundan tashqari, afrikalik futbolchi Italiya kubogida uchta o‘yinda o‘z hisobiga beshta gol yozdirib qo‘ydi.
Shuningdek, Cheddirani qo‘lga kiritish uchun “Torino” mutasaddilari “Roma” Shomurodov transferi uchun talab qilayotgan summaning teng yarmini to‘lasa kifoya qiladi.
Agar Eldor Shomurodov yanvar oyida boshqa jamoaga o‘tib ketmasa, mavsumning qolgan qismida ham yana o‘yin amaliyotisiz qolib ketishining ehtimoli juda yuqori.
Chunki Joze Mourino chempionatning ikkinchi yarmida jamoaning hujum chizig‘ida asosan Paulo Dibala, Lorenso Pelligrini, Temmi Abraxam va Andrea Belotti xizmatidan foydalanishini, taktik sxemalar mana shu tanlov asosida amalga oshirilayotganini ma’lum qildi.
Hujumdagi to‘rtlikka asosiy o‘rinbosar sifatida Nikolo Dzanolo, Stefan El-Shaaravi hamda yangi olingan Ola Solbakken belgilandi. Bundan tashqari, Joze Mourino yanvarda hujum chizig‘iga “Barselona”da o‘z o‘rnini topa olmayotgan Memfis Depayni olib kelishga harakat qilmoqda. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
KXDR Rossiyaga 100 minggacha harbiy yuborishi mumkin
Organizm o‘zini toksinlardan qanday tozalaydi?
Omega-3 qanday qilib ozishga yordam beradi?
Donald Tramp 27 yoshli Karolin Levittni Oq uy matbuot kotibi etib tayinlamoqchi
Endi operatsiyadan so‘ng kesmalar o‘rni ikki barobar tezroq bitishi mumkin
Apple dongdor ikki ayfonini rasman eskirgan deb e’lon qildi
Jo Bayden: “Ba’zan xotinim meni kosmosga jo‘natish bilan tahdid qiladi”
Buyrak salomatligi uchun eng foydali sabzavot...
