Rossiya terma jamoasi Riodagi Olimpiada o‘yinlaridan chetlatilishi mumkin

“Doping dasturi” mavjudligi to‘g‘risidagi ayblovlar tasdiqlansa Rossiya terma jamoasi joriy yilda Rio-de-Janeyroda bo‘lib o‘tadigan Olimpiya o‘yinlaridan chetlatilishi mumkin.

Bu haqda Xalqaro olimpiya qo‘mitasi rahbari Tomas Bax Frankfurter Allgemeine Zeitung nemis nashriga ma’lum qildi, deyiladi "Darakchi" nashrida.

Navbatdagi doping-mojarosi Moskvaning antidoping labaratoriyasi sobiq boshlig‘i Grigoriy Rodchenkovning intervyusidan so‘ng avj oldi. Uning aytishicha, Sochidagi qishki Olimpiada o‘yinlarining kamida 15 nafar g‘olibi “doping dasturining” samarasi sanaladi.

Rossiyalik atletlarning Olimpiada-2016 ishtiroki WADA o‘tkazgan tergov ishlari natijalariga bog‘liq, deydi Tomas Bax.

Agar ayblovlar tasdig‘ini topsa, xalqaro federasiyalar va Xalqaro Olimpiya qo‘mitasi tegishli qaror qabul qilishga majbur bo‘ladi.