"Barselona" "Real"ni ishonchli tarzda mag‘lub etib, Ispaniya Superkubogi g‘olibiga aylandi

Ispaniya Superkubogi finalidan o‘rin olgan "Real" - "Barselona" bahsi bo‘lib o‘tdi. Unda "ko‘k-anorranglilar" yirik 3:1 hisobida raqibidan ustun keldi.

Dastlab, 34-daqiqada Gavi hisobni ochgan bo‘lsa, taym so‘nggiga yaqin Levandovski farqni ikkitaga yetkazib qo‘ydi. 69-daqiqa o‘tib borayotgan bir paytda Pedri hisobni yirik 3:0 ko‘rinishiga keltirib qo‘ydi. Qayd etish lozim, 2 va 3-gollarga Gavi assist vazifasini bajardi. Faqatgina asosiy vaqtga qo‘shib berilgan daqiqalarda Benzema farqni qisqartirishga muvaffaq bo‘ldi.


Shu tariqa, Xavi shogirdlari Ispaniya Superkubogi g‘olibiga aylandi.

"Real Madrid" — "Barselona" 1:3
Real Madrid – Kurtua, Karvaxal (Nacho, 72), Ryudiger, Militao, Mendi, Modrich (Sebalos, 65), Kroos (Asensio, 72), Kamavinga (Rodrigo, 46), Valverde, Benzema, Vinisius Junior.
Barselona – ter Stegen, Arauxo (Erik Garsiya, 86), Kristensen, Kunde, Balde, Buskets, de Yong (Kessie, 87), Pedri (Serdji Roberto, 90), Gavi (Fati, 90), Levandovski, Dembele (Rafinya, 78).
Ogohlantirishlar: Mendi (32), Kristensen (49), Arauxo (68), Valverde (82). “Zamin” yangiliklarini “Odnoklassniki”da kuzatib boring