Bugun “Lokomotiv” OChL guruh bosqichi, birinchi tur o‘yinlari doirasida Saudiya Arabistonining “Al-Hilol” hamoasiga qarshi maydonga tushadi. Kecha esa Ar-Riyod shahrida o‘yinoldi matbuot-anjumani bo‘lib o‘tdi.
“Ertangi o‘yin juda qiziqarli kechishi aniq”, - deya so‘z boshladi Vadim Karlenovich. – “Al-Hilol” Osiyoning eng kuchli jamoalaridan biri hisoblanadi. Biz o‘yinga tayyormiz va faqat ertangi o‘yin barchasiga oydinlik kiritadi”.
- Murabbiy “Al-Hilol”ni Osiyoning eng kuchli klublari qatoriga kiritdi. Biroq bilasizki, hozir jamoa uchun biroz og‘ir davr. Klub prezidenti almashdi. Murabbiy iste’foga chiqarildi. Chempionat doirasidagi o‘yinlarda ham juda yaxshi natija ko‘rsatyapti deb bo‘lmaydi. Bularning hammasi ertaga raqibingiz oyog‘idan chalmaydimi?
- Ha, “Al-Hilol”ning barcha muammolaridan xabarim bor. Vaziyat haqiqatdan ham yaxshi emas. Ammo, bilasizmi, bu asosan o‘z mahalliy chempionatidagi muammolar. Chempionlar Ligasi esa butunlay boshqa musobaqa. Bu erda jamoa mutlaqo boshqacha chog‘lanish bilan maydonga tushadi. Shuning uchun men klubning bu muammolari ertangi o‘yinga ko‘p ham ta’sir qiladi deb o‘ylamayman.
- “Al-Hilol” muxlislari Osiyoda ancha mashxur. Ular jamoani ajoyib tarzda qo‘llab quvvatlaydi. Bu narsa jamoangiz o‘yiniga salbiy ta’sir o‘tkazmaydimi? Balki qandaydir qo‘rquv paydo bo‘lar futbolchilaringizda?
- Yo‘q. Unday deb o‘ylamayman. Biz e’tiborimizni o‘yinga qaratamiz. Har bir jamoa, unga raqib qanchalik imkoniyat berishiga qarab o‘yin ko‘rsatadi. Raqib bizga imkon taqdim etsa undan foydalanishga urinamiz, ular ham shunday. Boshqa omil o‘yinga ko‘p ham ta’sir etadi deb o‘ylamayman.
- Saudiya Arabistonida hozir mavsumning o‘rtasi. Sizlarda esa mavsum hali boshlanmadi va bu jamoangiz uchun birinchi rasmiy o‘yin. Bu qanchalik ta’sir o‘tkazadi o‘yinga?
- Ta’siri bo‘ladi. Biroq biz ham mavsumlar oralig‘ida bekor o‘tirmadik. BAA va Turkiyada, shuningdek bir muddat Toshkentda ham o‘quv-yig‘in mashg‘ulotlarini olib bordik. Ular davomida ko‘plab nazorat uchrashuvlari o‘tkazdik. Shuning uchun hozirdan bu birinchi o‘yinligi qanchalik yaxshi yoki yomonligi haqida bir narsa deyish qiyin. Ertaga o‘yinda ko‘ramiz.
Manba: www.uff.uz “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
NATO bosh kotibi Ukrainaning frontdagi ahvoli yomonlashganini tan oldi
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
Borrel YEIning Isroil bilan muloqotini to‘xtatishni taklif qildi
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Blinken Isroildan uchta muammoni hal etishni talab qildi
Erdo‘g‘on Turkiya Isroil bilan aloqalarini uzganini ma’lum qildi
Sirdaryoda YTH sodir etgan haydovchidan pul olgan YPX xodimi qamaldi
Revanshda g‘alaba qozonish uchun Tayson Fyuriga nima kerak?
