“Roma” bosh murabbiyi Joze Mourino A Seriyaning navbatdagi turida “Spetsiya” bilan bo‘lgan bahsda Eldor Shomurodovni yana maydonga tushirmadi. Bu bilan portugaliyalik mutaxassis o‘zbek hujumchisi xizmatlaridan butkul voz kechganini anglab olish qiyin emas.
Klub rahbariyati bir necha futbolchilar qatori Eldor Shomurodovdan ham tezroq qutilmoqchi. Ular bu orqali g‘aznaga ma’lum miqdorda pul tushirish va yangi olinadigan ijrochilar uchun joy ochishni ko‘zlamoqda.
Garchi Italiya ommaviy axborot vositalarining bor e’tibori Italiya terma jamoasi hujumchisi Nikolo Dzanoloning “Roma”dan ketishga urinayotganini muhokama qilishga qaratilgan bo‘lsa-da, Shomurodov transferi ham kun tartibidan tushgani yo‘q.
Italiya fuboli, xususan, “Roma” faoliyatini yoritishga ixtisoslashgan https://www.forzaroma.info sayti qishki transferlar oynasi yopilishiga bir necha kun qolgan pallada Eldor Shomurodov oldida bir necha variantlar borligini yozmoqda.
Birinchi navbatda, “Roma” bilan anchadan beri muzokara olib borayotgan “Torino” poytaxt klubi sport direktori Tyagu Pinto Shomurodov transferi bo‘yicha talablarini biroz pasaytirib, o‘yinchini to‘liq sotib olish majburiyatini xarid qilish huquqiga almashtirishini kutyapti. Tomonlar bu transfer bo‘yicha doimiy aloqadaligi aytilmoqda. Turinliklarning yutug‘i – Eldor bilan shaxsiy shartnoma bo‘yicha o‘zaro kelishuvga erishganida.
A Seriya autsayderi – “Kremoneze” Shomurodovni qo‘lga kiritish uchun rimliklarning talabini bajarishga tayyor. Biroq “Torino”dan farqli ravishda kremoneliklar hujumchining roziligini olmagan. Bu borada Shomurodovning pozitsiyasini tushunish qiyin emas. Eldor “Roma”dan qaytmaydigan bo‘lib ketadi. “Kremoneze” hali mavsumda biror marta g‘alaba qozonmagan jamoa sifatida mavsum oxirida quyi ligaga tushib ketish ehtimoli katta.
So‘nggi ma’lumotlarga qaraganda, “Spetsiya” rahbariyati ham hujum chizig‘ini kuchaytirish uchun Eldor Shomurodovni o‘z safiga qo‘shib olishga qaror qildi. Bu klub mutasaddilari “Roma”ga murojaat qilib, o‘zbekiston legionerning transfer ma’lumotlarini so‘ragan.
“Spetsiya” A Seriya musobaqa jadvalida xavfli zonaga juda yaqin joylashgan. Shu bois, bu klub ham hujumchimizning roziligini ololmasligi mumkin.
Transfer bozori mutaxassislari Fransiyaning “Lill” jamoasi imkoniyatini yuqori baholamoqda. Chempionatda yuqori o‘rinlar uchun kurashayotgan bu jamoa Shomurodov uchun 13-14 million yevro taklif qilgani haqidagi xabarlar tarqatildi.
Agar “Roma” talabini ozgina pasaytirsa, fransuzlar Tyagu Pinto kunganidek Shomurodov uchun badal pulini birdaniga to‘lab, transferni to‘liq amalga oshirish imkoniyatiga ega. Bu holat, “Lill”ni A Seriya klublarini ortda qoldirishini ta’minlaydi. Buning uchun eng asosiy talab – Shomurodovni Italiyadan ketishga ko‘ndirish bo‘lib qoladi.
Demak, qishki transferlar oynasi yopilguniga qadar, Eldor Shomurodov atrofidagi vaziyat o‘zgarmaydi va u bir necha klub uchun transfer nishoni bo‘lib qolaveradi. “Roma” murabbiylar shtabi hamyurtimizni maydonga tushirmayotganini esa, legionerimiz ketishi kerakligidan dalolat beradi, deb baholash mumkin. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Shols va Putin o‘rtasidagi suhbat Kiyevga signal bo‘ldi
Eron AQSHdan 1 trln dollar kompensatsiya talab qildi
Shimoliy Koreya Rossiyaga uzoqqa zarba beruvchi qurollar yubordi
Turkiyaning Harper's Bazaar nashri yil ayolini aniqladi (foto)
20 yoshli o‘zbekistonlik qizni qarindoshi Turkiyaga sotib yubordi
Ayrim boshqaruv servis kompaniyalari shartnomalarida asossiz shartlar belgilangani aniqlandi
Rashida Tolib Kongress a’zolariga «achchiq haqiqat»ning suratini ko‘rsatdi
Bayden va Jinping Peruda uchrashdi: «Agar bir-birimizni raqib deb bilsak, munosabatlarni buzamiz»
