Yozda Eldor Shomurodov yana bir bor kelajagi borasida jiddiy qaror qabul qilishiga to‘g‘ri keladi. “Roma”da o‘yin amaliyotisiz qolib ketgan futbolchining ijara asosida “Spetsiya”ga ko‘chib o‘tgani vaqtinchalik yechim xolos.
Joze Mourino legionerimizni kuzatib qo‘yishdan oldin, ma’lum vaqt o‘tib, uni “Roma”ga qaytarishi mumkinligini, Eldor o‘yin amaliyotiga ega bo‘lishga loyiqligi uchun boshqa jamoaga qo‘yib yuborayotganini ta’kidladi.
Shomurodovning o‘zi poytaxt klubidan butkul ketishga tayyorligini bildirgani Italiya matbuotida ham yoritildi. Xullas, Eldorning kelajagiga hali to‘liq oydinlik kiritilgani yo‘q. Yozda bu masala yana kun tartibiga ko‘tarilishi tabiiy hol.
Italiyalik taniqli futbol agenti Marko Trabukki Shomurodovning yangi jamoasi “Spetsiya”da futbolchini to‘liq sotib olish imkoniyati borligi va bu transfer qanchaga tushishi mumkinligini aytdi.
- “Spetsiya”da Shomurodovga doimo talab bo‘ladi. Chunki ularda o‘zbek futbolchi darajasidagi hujumchi yo‘q. “Spetsiya”da ma’lum miqdordagi to‘lov evaziga Eldorni xarid qilish imkoniyati bor.
Tabiiyki, bu transfer narxi “Roma” hujumchisi uchun “Jenoa”ga to‘lagan summaga yaqin kelmaydi. Biroq, “Jenoa” Shomurodov transferi uchun xarajat qilgan summa doirasidagi narxga “Spetsiya” ham xarid qilishi mumkin.
Eldor bu narxga arziydigan o‘yinchi. “Spetsiya”da esa bu pul bor, - dedi Marko Trabbukki.
Ma’lumki, “Jenoa” klubi Eldor Shomurodov transferi uchun “Rostov”ga jami 9 million yevro to‘lab bergan edi.
“Spetsiya” kelishuvga ko‘ra, Eldor Shomurodovni mavasum oxirigacha ijaraga oldi va bu muddat uchun rimliklarga 1,5 million yevro to‘laydi.
O‘tgan yoz va bu yil yanvarda o‘zbek hujumchisiga og‘iz solgan jamoalar ko‘p bo‘ldi. Yozgi transferlar vaqtida “Bolonya” 10 million yevro taklif qilgan bo‘lsa-da, “Roma” sport direktori Tyagu Pinto bu summani qabul qilmadi.
Poytaxt klubi yanvarda xaridorlar darajasiga qarab, Shomurodov uchun 12-14 million yevro talab qildi. Italiya klublari zaxiradagi o‘yinchi uchun katta summa to‘lagisi kelmadi. Xarajatga tayyor bo‘lgan “Renn”, “Lill”, “Bayer”, “Valyadolid” kabi klublar Italiyada qolishni maqsad qilgan Shomurodovga to‘g‘ri kelmadi.
“Roma” klubi legionerimiz transferiga 18 million yevro sarflagan. Shu bois, klub mutasaddilari moliyaviy ziyon ko‘rmaslik maqsadida o‘zbek futbolchisini imkon qadar qimmatroq narxga sotishga harakat qilmoqda.
Transfermarkt portali 27 yoshli futbolchini 7 million yevroga baholamoqda. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
KXDR Rossiyaga 100 minggacha harbiy yuborishi mumkin
Organizm o‘zini toksinlardan qanday tozalaydi?
Omega-3 qanday qilib ozishga yordam beradi?
Donald Tramp 27 yoshli Karolin Levittni Oq uy matbuot kotibi etib tayinlamoqchi
Endi operatsiyadan so‘ng kesmalar o‘rni ikki barobar tezroq bitishi mumkin
Apple dongdor ikki ayfonini rasman eskirgan deb e’lon qildi
Jo Bayden: “Ba’zan xotinim meni kosmosga jo‘natish bilan tahdid qiladi”
Buyrak salomatligi uchun eng foydali sabzavot...
