Futzal. O‘zbekiston milliy terma jamoasi Belarusga yirik hisobda yengildi

^{Foto: O‘FA}
Futzal bo‘yicha O‘zbekiston milliy terma jamoasi 5 fevral, yakshanba kuni Belarusga qarshi ikkinchi o‘rtoqlik o‘yinida ishtirok etdi.

Uchrashuvda dastlab maydon egalari oldinga o‘tib oldi. Bunga o‘zbekistonlik futzalchilar birinchi bo‘lim o‘rtalarida Sunatulla Jo‘rayev va Husniddin Nishonovning gollari bilan javob qaytardi. Oradan ko‘p o‘tmay hisob tenglashdi.

17 va 18-daqiqada O‘zbekiston Elbek To‘lqinov hamda Dilshod Rahmatovning gollari evaziga ikkita to‘p farqi bilan oldinga o‘tib oldi. Shundan keyin Belarus futzalchilari ketma-ket besh marta O‘zbekiston terma jamoasi darvozasini ishg‘ol qildi.

Jamoalarning 4 fevral kungi o‘yinida Belarus 3:1 hisobida g‘alaba qozongandi.

Belarus — O‘zbekiston 7:4
Gollar: 1:0 – 6 Yuriy Dubkov, 1:1 – 11 Sunatulla Jo‘rayev, 1:2 – 13 Husniddin Nishonov, 2:2 – 14 Yevgeniy Cherneyko, 2:3 – 17 Elbek To‘lqinov, 2:4 – 18 Dilshod Rahmatov, 3:4 – 29 Dmitriy Shimanovskiy, 4:4 – 31 Anton Matveyenko, 5:4 – 32 Vladislav Selyuk, 6:4 – 36 Anton Matveyenko, 7:4 – 38 Yuriy Dubkov. “Zamin” yangiliklarini “Vkontakti”da kuzatib boring