"The Best 2022" nominatsiyasi uchun uch nafar nomzod nomi ma’lum

FIFA yilning eng yaxshi erkak futbolchisi bo‘lish uchun yakuniy nomzodlar uchligini e’lon qildi. Unga ko‘ra, PSJ futbolchilari Lionel Messi hamda Kilian Mbappe, shuningdek, "Real" forvardi Karim Benzema ushbu ro‘yxatdan o‘rin egallagan.

Qayd etish lozim, Messi o‘tgan yili Argentina bilan "Qatar-2022" g‘olibiga aylandi va turnirning eng yaxshi futbolchisi deya e’tirof etildi. Mbappe esa ushbu turnirda to‘purar bo‘ldi.

Karim Benzema "Real" bilan Yevropa Chempionlar ligasi, La Liga va Yevropa Superkubogida zafar quchdi.