Italiya chempionatining 23-turida “Spetsiya” o‘z maydonida “Yuventus”ni qabul qilib, raqibga 0:2 hisobida imkoniyatni boy berdi. Garchi mezbonlar o‘z muxlislari ko‘z o‘ngida yengilgan bo‘lsa-da, jamoa o‘yinida ijobiy o‘zgarish bo‘lgani alohida e’tirof etilmoqda.
“Spetsiya” rahbariyati o‘tgan hafta bosh murabbiy Luka Gottini iste’foga chiqargandi. Shu bois, futbolchilarni “Yuventus”ga qarshi uchrashuvga yordamchi murabbiy Fabritsio Loreri tayyorladi. Uning shogirdlari birinchi bo‘limda ancha shiddatli o‘yin ko‘rsatdi. Lekin baribir “Yuventus” grand jamoa ekanini isbotlab, Turinga uch ochko bilan qaytdi.
“Spetsiya”ning baxtiga A Seriyada qolish uchun kurashayotgan jamoalarning barchasi mag‘lubiyatga uchratdi. Musobaqa jadvalining quyi qismi o‘zgarishsiz qoldi.
“Spetsiya” faoliyatini yoritib borayotgan https://www.calciospezia.it sayti ekspertlari jamoa futbolchilarining harakatlarini quyidagicha baholadi.
Bartlomey DRAGOVSKIY 6:
“Spetsiya”ning asosiy posboni raqib hujumini qaytarish chog‘ida shikastlandi. Birinchi bo‘limning o‘zida mezbonlar majburiy o‘zgartirishni amalga oshirdi. Bungacha Dragovskiy yaxshi o‘ynayotgan edi.
Federiko MARKЕTTI 5.5:
40 yoshli posbon qariyb ikki yil deganda A Seriyada eng maydonga tushdi. Jangovar formada emasligi bilinib qoldi. Moyze Kin va Anxel di Mariya tajribali posbonni qiyinchilisiz dog‘da qoldirdi.
Kelvin AMYAN 6:
O‘zi yoqtirgan o‘ng qanot himoyachisi pozitsiyasida ancha faol o‘ynadi. Birinchi gol urilgan vaziyatda Kostichni o‘tkazib yubordi va bu futbolchi jamoadoshi Kinni qulay nuqtaga chiqardi. Ikkinchi bo‘limda Anyan ko‘p mehnat qildi.
Itan AMPADU 5.5:
Kostichning pasidan so‘ng, Kin gol urgan vaziyatda Ampadu markaziy himoyani ushlay olmadi. Uchrashuv davomida “Yuventus” hujumchilariga qarshilik ko‘rsatishga qiynaldi.
Dimitrios NIKOLAU 6.5:
O‘z jarima maydonchasida va uning atrofida raqib to‘purari Dushan Vlaxovichga hech qanday imkoniyat qoldirmadi. Kin gol urgan vaziyatda jamoadoshi Ampadu xatosini to‘g‘rilash urindiyu lekin ulgurmadi. O‘yin oxirida uning boshi bilan bergan zarbasini Mattia Perin qiyinchilik bilan qaytardi.
Arkadiush RЕTSA 6.5:
Butun uchrashuv davomida ishonchli o‘yin namoyish qildi. Raqib yarim himoyachisi Kuadradoga o‘yin bermadi. Massimiliano Allegri uni De Shiloga almashtirishga majbur bo‘ldi.
Mexdi BURABIYA 6:
Bu futbolchi maydon markazida ko‘p yugurdi. Jamoasining hujumchilarini uyushtirishga intildi. O‘z navbatida, raqib hujumini buzishga harakat qildi. Ishonchli o‘yin ko‘rsatdi.
AlbinEKDAL 6:
Maydon markazida muvozanatni saqlab turishga intildi. Jamoadoshlarining hujumini qo‘llab-quvvatlab turdi.
Daniele VЕRDЕ 6:
O‘ng qanot hujumkor futbolchisi sifatida o‘tkir hujumlar uyushtirishga, jamoadoshlarini qulay pozitsiyaga olib chiqishga urindi. Ikki-uch marta raqib darvozasiga xavf soldi.
Kevin AGUDЕLO 6:
Bu futbolchi jamoaga ikki tomonlama foyda keltirdi. Himoyachilarga yordam berganidan keyin hujum uyushtirishda ham faollik ko‘rsatdi. Biri necha aniq paslari bilan esda qoldi. To‘pni qulay polzitsiyada turgan Eldor Shomurodovdan qizqongan payti ham bo‘ldi.
Mbala NZOLA 5.5:
Jarohatidan tiklanib maydonga qaytgan hujumchi Agudeloning o‘rnini egalladi. Yarim soatdan ko‘proq harakat qilgan bo‘lsa-da, hali sport formasini tiklab olmagani ko‘rinib qoldi.
Emmanuel GYASI 6:
Chap va o‘ng qanotda juda ko‘p yugurdi. Maydon ichkarisidan hujum uyushtirishga intildi. Birinchi bo‘limda gol urishga juda yaqin kelgandi. Ikkinchi bo‘limda Mattia Perin Gyasining xavli zarbasini bartaraf etdi.
Eldor SHOMURODOV 6.5:
Hujumchilar orasida yaqqol ajralib turdi. Birinchi bo‘limda boshi bilan ikkita zarba berdi. Ulardan birini Mattia Perin qaytardi. Ikkinchisi, darvoza to‘sinidan sal baland bo‘ldi.
“Spetsiya” hujumlarini tashkil qilishga intildi. O‘yinning ikkinchi yarmida xavfli zarbasi yo‘liga Danilo to‘g‘anoq bo‘ldi. Shomurodovning o‘yinidagi sifatli jihatlar jamoaga yaqqol foyda keltira boshlagani ko‘rinmoqda. Buni jamoani boshqargan murabbiy Fabritso Roleri ham alohida e’tirof etdi.
Eldor “Yuventus”ning uch nafar himoyachisini o‘yin oxirigacha bosim ostida ushlab turdi.
Fabritsio LORЕRI 6:
“Spetsiya”ning an’anaviy 3-5-2 sxemasini 4-2-3-1 ko‘rinishiga o‘zgartirdi. O‘yin sifati oshgani ko‘rindi. Jamoa pressing qo‘llashda faollik ko‘rsatdi. O‘tkir hujumlar va xavfli zarbalar soni oshganini ko‘rish mumkin. Jamoani jonlantira oldi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Omega-3 qanday qilib ozishga yordam beradi?
Apple dongdor ikki ayfonini rasman eskirgan deb e’lon qildi
20 yoshli o‘zbekistonlik qizni qarindoshi Turkiyaga sotib yubordi
Kim Chen In harbiylarni jangovar holatda turishga chaqirdi
Xatolar va mag‘lubiyatlar... ular kechiriladimi?
Jo Bayden: “Ba’zan xotinim meni kosmosga jo‘natish bilan tahdid qiladi”
Shols va Putin o‘rtasidagi suhbat Kiyevga signal bo‘ldi
Rossiyalik deputat: «Oliy ma’lumotlilarning kurerlik qilishi — vatanparvarlikka zid»
