Bu o‘yinda chempionlik uchun parda ortida tayyorgarlik ko‘rayotgan bir emas, ikki jamoa bor ekanligini ko‘rsatib qo‘ydi. OKMK va “Neftchi” 2023-yil yakunlarida ko‘pchilikni e’tiborini o‘ziga qaratishga tayyorlanayotganini sezdirib qo‘ydi. Bahs, nafaqat dinamikasi, balki murabbiylar, ijrochilar, o‘yin falsafalari to‘qnashuvini bizga namoyish etib berdi.
Bu OKMK Qosimovning bor potensialini ochib berishga qodir ekanligini ko‘rsatgan bo‘lsa, “Neftchi” yengilayotgan paytida asosiy “Game Plan”dan chekinib, oldinga tashlanishga qodirligini ko‘rsatdi.
Raqibni ikki bor ham qopqonga tushirib, undan chiqib ketishiga qarshilik qila olmagan OKMK so‘nggi daqiqalarda o‘z prinsiplaridan voz kechib tayyor durangni g‘alabaga almashtirish uchun tavakkal qildi. Men, kuchlar teng kelsa, o‘rtamiyonaligini «bo‘yniga olgan» jamoalar 1 ochkoni o‘rtaga tikib 3 ochko qilishga harakat qilganini ko‘rmaganman. Bugun OKMK ham, “Neftchi” ham bir ochkosiz qolib ketishdan qo‘rqqani yo‘q. Aynan shu faktor, bu chempionatni avvalgidek bo‘lmasligiga ishora qilmoqda. Aslida, voqealar rivoji bahs davomida keskin o‘zgarib bordi.
Mehmonlar, keyin mezbonlar, mehmonlar mezbonlar… Ustunlik navbati bilan sariq va to‘q ko‘k libosdagi yigitlar tomoniga o‘tib turdi. Yakunda, futbol bu bahsda mag‘lub bo‘lmasligi kerak deb hisobladi. Adolatli natija. Men esa, Superligada chempionlik intirgasiga “suqulib” kirishga qodir yana ikki jamoa “yetilayotgani”ni his qildim. Asosiysi, futblga aloqador bo‘lmagan tashqi omillar bu tabiiy progressga ta’sir ko‘rsatmasin. Moddiy tomondan ham, muammolar yuzaga kelmasin. Ana shunda, bu jamoalar chempionatdagi eng muhim sanalgan omil – intriganing o‘chog‘iga aylanadi.
Statistikaga e’tibor qarating:
Nafaqat hisob, balki o‘yin teng bo‘lganiga guvoh bo‘lishingiz mumkin. Bugun, temp, bahs sifati va match harorati borasida olib qarasak, chempionatning (hozircha) eng zo‘r 90 daqiqaligiga guvoh bo‘ldik. Buning uchun jamoalarga respekt. Aynan shunday o‘yinlar futbolchilarni o‘z bo‘yidan balandroq sakrashga majbur qiladi.
Bunday tempda agar OKMK va “Neftchi” to‘liq mavsumni o‘tkaza olsa, ularda kamida sovrindorlar qatorida bo‘lish uchun “shans” bor. Demak, yuqorida bo‘lishni istagan “Paxtakor”, “Navbahor” va “Nasaf” uchun yana kamida 4 ta og‘ir bahs (“Paxtakor” bu og‘ir o‘yinlardan birida mag‘lub bo‘lishga ham ulgurdi) paydo bo‘ldi. Bu chempionat avvalgidek emas. Undan ham ko‘proq yorqin emotsiyalar taqdim etishga qodirdek tuyulmoqda. Har holda, bugungi o‘yinning sifati shundan dalolat. Bo‘ldi, pardani ochavering. “Neftchi” va OKMKning sahnaga chiqadigan payti kelyapti.
Yahyoxo‘ja Ulug‘xo‘jayev
“Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Jizzaxda uchta yuk mashinasi ishtirokida YTH sodir bo‘ldi
“Roma” Shomurodov uchun yana 8 million yevro xarajat qiladi!
O‘zbekistonlik 17 yoshli qiz dunyoning yetakchi universiteti olimlari bilan tadqiqot olib bormoqda
Pnevmatik qurollarni o‘z ixtiyori bilan topshirganlar javobgarlikdan ozod etiladi
Shimoliy Koreya yangi ko‘rsatkichlarga ega ballistik raketani sinovdan o‘tkazdi
Erdo‘g‘on davlat to‘ntarishi ehtimoli sababli tunda favqulodda yig‘ilish o‘tkazdi
O‘zbekistonliklar doimiy yashash uchun ko‘proq qaysi davlatlarga ko‘chib ketmoqda?
Messining salkam 1 million dollarga sotilgan salfetkasi haqida
