Eldor Shomurodov joriy mavsumdagi birinchi golini “Spetsiya” – “Salernitana” uchrashuvida meksikalik darvozabon Gilermo Ochoa darvozasiga kiritdi.
Legionerimizga yangi jamoasi - “Spetsiya”dagi gollari hisobini ochish uchun 420-daqiqa kerak bo‘ldi. Bu avvalgi jamoalaridagiga qaraganda biroz ko‘p.
Eldor Shomurodov 2020 yilning oktyabr oyida Rossiya Premer-ligasi vakili “Rostov”dan Italiyaning eng qadimgi jamoasi – “Jenoa”ga ko‘chib o‘tganidan keyin kuchli beshlik chempionatlaridagi ilk to‘pini kiritish uchun 250 daqiqa sarflagan edi.
O‘zbek hujumchisi “Jenoa”dagi birinchi golini “Parma” darvozasiga kiritgan edi.
Bir mavsumda sakkizta gol urganidani keyin “Roma”dan taklif olgan hujumchimiz poytaxt klubida o‘zini ko‘rsatishi uchun juda qisqa muddat kerak bo‘ldi. Rimliklar safida Konferensiyalar ligasi saralash turnirining dastlabki uchrashuvida Eldor Turkiyada “Trabzonspor” posbonini ojiz qoldirgan va buning uchun hamyurtimizga 82 daqiqa kifoya qilgan xolos.
Muxlislar iltimosini inobatga olib, “Spetsiya” ishqibozlarining Eldor Shomurodovning goliga bildirgan munosabatlarini keltirishga qaror qildik.
Marco Mazzi: Eldor endi navbatdagi golga tayyorgarlik ko‘r!
Elia Luti: “Salernitana”ga qarshi uchrashuvda Eldorning goli bizga qimmatli ochko keltirdi. Endi Florensiyaga boramiz. Revansh olish kerak. Qani, olg‘a!
Massimiliano Logli: “Spetsiya”ga loyiq o‘yin!
Peri Andrea: Olg‘a, Eldor!
Daniele Guidelli: Endi shanba kuni “Fiorentina”ga ham gol urishing kerak, Eldor!
Aleks Aleksandrov: Eldor, zo‘r ish qilding!
Marco Vimercati: Bu gol Eldorning yo‘llarini ochib yuboradi. Endi uni to‘xtatish qiyin bo‘ladi!
Marco Morini: O‘zbeklar o‘z so‘zini aytdi.
Marco Morini: O‘zbekistondan kim bor?
Emilio Castellanotto: Eldor quyosh botgach, baquvvat ovqat yeyishga loyiq o‘yin ko‘rsatdi.
Marina Borgato: Shunchaki ajoyib!
Aleksandr Ovchinnikov: Eldor o‘zi tanimagan himoyachidan to‘pni zo‘r qabul qilib oldi
Luciano Sannino: Nihoyat, Shomurodov gol urdi!
“Spetsiya” futbolchilari navbatdagi uchrashuvni 8 aprel kuni o‘tkazadi. Shu kuni Eldor Shomurodov jamoasi Florensiyada “Fiorentina” mehmoni bo‘ladi. O‘yin Toshkent vaqti bilan 17:30 da boshlanadi.
“Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Organizm o‘zini toksinlardan qanday tozalaydi?
Rashida Tolib Kongress a’zolariga «achchiq haqiqat»ning suratini ko‘rsatdi
Shimoliy Koreya Rossiyaga uzoqqa zarba beruvchi qurollar yubordi
Ijtimoiy tarmoqlar davrida ruhiy salomatlikni qanday saqlash mumkin?
Bayden va Jinping Peruda uchrashdi: «Agar bir-birimizni raqib deb bilsak, munosabatlarni buzamiz»
KXDR Rossiyaga 100 minggacha harbiy yuborishi mumkin
Eron AQSHdan 1 trln dollar kompensatsiya talab qildi
Turkiya Isroil prezidenti samolyotini havo hududiga kiritmadi
