A Seriyaning 29-turida “Spetsiya” jamoasi safar uchrashuvida jiddiy raqib – “Fiorentina” bilan to‘qnash keldi. Florensiyaliklar barcha musobaqalarda 9 ta uchrashuvdan iborat g‘alabali seriyani davom ettirayotgani bois, bu bahsda ham mezbonlarning qo‘li baland kelishi taxmin qilingandi.
Biroq o‘yin davomida Leonardo Semplichi “Spetsiya”ning o‘yinini ancha kuchaytira olganini yana bir karra isbotladi. Bahsning aksariyat qismida mehmonlar ustunlik qildi. Biroq ketma-ket ikkinchi uchrashuvda “Spetsiya” futbolchilari o‘z darvozasini ishg‘ol qilib qo‘ymoqda. Bu gal Pshemislav Vishnevski 25-daqiqada avtogol muallifi bo‘ldi.
Oradan yetti daqiqa o‘tib, “Spetsiya” to‘purari Mbala Nzola hisobni tenglashtirdi.
O‘yinga 77-daqiqada tushirilgan Eldor Shomurodov yana o‘yin qahramoni bo‘lishi mumkin edi. Maydan markazida to‘pni egallab olib, darvozagacha bo‘lgan masofani katta tezlikda bosib o‘tgan hujumchimizning zarbasini mezbonlar posboni qaytarib qoldi. Eldor jamoasiga qimmatli g‘alaba keltirish imkonini qo‘ldan berdi.
Bellashuvdan keyin Leonardo Semplichi o‘z fikrlarini bildirib, bu vaziyatga ham to‘xtalib o‘tdi.
- O‘yin durang bilan tugagan bo‘lsa ham, ketma-ket to‘qqizta uchrashuvda raqiblarini yer tishlatib kelayotgan kuchli jamoa bilan to‘qnashuvdagi ijobiy natijadir. Bu qimmatli ochko kelajakka umid bilan qarashimiz mumkinligiga xizmat qiladi. Shogirdlarim birinchi bo‘limda zo‘r o‘ynadi, ikkinchisida g‘alabani qo‘lga kiritish imkoniyatini boy bergan bo‘lsa-da, oxirigacha kurashdi.
Aynan mana shu men shakllantirishni istagan mentalitet hisoblanadi. Ular oxirgi soniyagacha kurashishi kerak. Tarkibda muammo ko‘pligiga qaramay, sifatli o‘yin namoyish qildik. Jamoaning o‘ziga bo‘lgan ishonchi mentalitetga ko‘chmoqda. Hatto o‘yin oxirida bizni uch ochko bilan qaytishimizga xizmat qiladigan vaziyat ham bo‘ldi.
Safimizda raqib hujumlarini qaytargan Bartlomey Dragovski bor. Nzola Mbala biz uchun juda qimmatli futbolchi, u bu gal ham gol urdi. Jamoada o‘sish borligi chempionatda kurash olib bora olishimizga xizmat qiladi.
Salvatore Espozitoning texnik va taktik harakatlari yaxshi, lekin hali ancha tajriba to‘plashi kerak. Hozir u ana shu tajribani olishga intilyapti, kelajakda o‘z so‘zini aytishiga ishonamiz. Boshqa jamoada o‘ynaganida bemalol boshlang‘ich tarkibga kiritilar edi.
Biz minglab muxlislari ko‘z o‘ngida o‘ynagan kuchli jamoadan bir ochko tortib oldik. Biz bu ochkoga loyiq o‘yin ko‘rsatdik. Ikkinchi bo‘limda juda to‘g‘ri himoyalandik. Oxirida sensatsion voqea guvohi bo‘ldik. Afsus. Lekin bu futbol.
Shomurodov o‘sha vaziyatda gol ura olmaganidan qattiq afsusda. Uning zarbasi hal qiluvchi va raqibni nokautga tushiradigan bo‘lishi mumkin edi. Lekin unday bo‘lmadi. O‘yindan keyin Eldorning ko‘nglini ko‘tarishga harakat qildim, qulay vaziyatni boy berganidan tushkunlikka tushgan.
Eldor jamoadosh do‘stlarining barchasidan uzr so‘radi. Lekin u bunday qilmasligi kerak. Hammamiz ham xato qilamiz. O‘tgan o‘yinda u gol urgan edi, bu gal maqsadini amalga oshira olmadi.
Men unda ishtiyoq uyg‘otishga harakat qildim. U o‘z kuchiga, sifatli jihatlari borligiga ishonishi kerak. Shunda “Jenoa”da porlagan hujumchini yana ko‘ramiz.
Florensiyada qo‘lga kiritilgan ochkodan ko‘nglim to‘ldi va xotirjam dam olishim mumkin, - dedi Leonardo Semplichi.
“Spetsiya” 30-tur uchrashuvini 14 aprel kuni o‘tkazadi. Shu kuni Shomurodov jamoasi o‘z maydonida “Latsio”ni qabul qiladi. O‘yin Toshkent vaqti bilan 23:45 da boshlanadi.
“Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Organizm o‘zini toksinlardan qanday tozalaydi?
Rashida Tolib Kongress a’zolariga «achchiq haqiqat»ning suratini ko‘rsatdi
Shimoliy Koreya Rossiyaga uzoqqa zarba beruvchi qurollar yubordi
Ijtimoiy tarmoqlar davrida ruhiy salomatlikni qanday saqlash mumkin?
Bayden va Jinping Peruda uchrashdi: «Agar bir-birimizni raqib deb bilsak, munosabatlarni buzamiz»
KXDR Rossiyaga 100 minggacha harbiy yuborishi mumkin
Eron AQSHdan 1 trln dollar kompensatsiya talab qildi
Turkiya Isroil prezidenti samolyotini havo hududiga kiritmadi
