Rossiya terma jamoasi Evro-2016dan shartli diskvalifikatsiya qilindi

UEFA Rossiya terma jamoasini rossiyalik muxlislarning Angliyaga qarshi o‘yindagi tartibsizliklari tufayli jazolandi. Unga ko‘ra, Rossiya terma jamoasi shartli ravishda turnir oxiriga qadar diskvalifikatsiyaga uchragan. Shuningdek, RFIga 150 ming evro miqdorida jarima tayinlangan. Bu haqda Fut.uz xabar berdi.

UEFA bu hodisa bo‘yicha intizomiy ish ochgan. Tashkilot rossiyaliklarni tartibsizlik uyushtirishda, irqchilik qilishda va tribunalarda pirotexnik vositalardan foydalanishda ayblagan.

Agarda keyingi o‘yinlarda rossiyalik muxlislar shunday xatti-harakatlarni takrorlasa, terma jamoa turnirdan chetlatiladi.