852
O‘zbek jangchisidan g‘alaba, qozog‘istonlik fayter alamiga chidolmadi yoxud fanatlardan haqli e’tiroz!
Qozog‘istonning Kentau shahrida aralash jang san’atlari bo‘yicha tashkil etilgan Alash Pride 85 turniridagi voqea ushbu sport turi muxlislari orasida hamon keng muhokama qilinmoqda.
Sports.kz sayti bergan xabarga qaraganda, qozog‘istonlik Nurbakit Aytjanov 77 kilogramm vazn toifasida o‘zbekistonlik Zokir Malik bilan to‘qnash keldi. Hamyurtimiz zarba bilan raqibning qoshini yorib qo‘ydi.
Jang davomida sportchilar parter holatida kurashdi. Biroq, Nurbakit musobaqa qoidasini qo‘pol tarzda buzib, parter holatida raqibining boshiga tizzasi bilan zarba berdi. Ta’qiqlangan usulni qo‘llagani uchun uchrashuv hakami mezbon jangchini diskvalifikatsiya qildi.
Shunga qaramay, Nurbakit jang to‘xtatilganidan keyin hali o‘rnidan turmagan Zokir Malikning yuziga kutilmaganda yana musht tushirdi. Buni mag‘lubiyat alamiga chidolmaslik, deb izohlash mumkin. G‘alaba Zokir Malikka berildi.
Nurbakit Aytjanovning bu qilig‘i aralash jang san’atlari muxlislariga yoqmadi. Qozog‘istonlik fanatlar ijtimoiy tarmoqlarda bu voqeani muhokama qilmoqda va Nurbakit Aytjanovga e’tirozlarini quyidagi shaklda bildirmoqda.
“Nurbakit sportchi emas!”.
“Intizom yo‘q”.
“Adolatli diskvalifikatsiya, hammasi to‘g‘ri bo‘ldi”.
“Pastkashlik, u professional jangchi emas, mazharaboz ekan”.
“Sharmanda, madaniyat umuman yo‘q”.
“Parterda tizzasi bilan boshga tepib, jang to‘xtatilganidan keyin musht ham tushirdi”.
Alash Pride turnirining ijtimoiy tarmoqlarida muxlislar Nurbakit Aytjanovning xatti-harakatlarini keskin qoralamoqda.
Bir so‘z bilan aytganda, mag‘lubiyatni qabul qilish ham mardlik.
“Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xitoy mamlakatlarni jungli qonunidan voz kechishga chaqirdi
O‘zbekiston Turkmaniston va Turkiya bilan mudofaa sohasida hamkorlik qiladi
Tramp: Rossiya Gitler va Napoleonni mag‘lub etgan, Moskva mag‘lubiyatini kutishning hojati yo‘q
Lionel Messi o‘z prodyuserlik kompaniyasiga asos soldi
Tramp Zelenskiyning AQSHga tashrifi chog‘ida u bilan uchrashishdan bosh tortdi
Tramp Eron tomonidan o‘lim tahdidi haqida ogohlantirildi
Chexiya prezidenti: "Urush oqibatida Ukraina hududlarini yo‘qotadi”
Xitoy qit’alararo ballistik raketani ilk bor ommaviy sinovdan o‘tkazdi