Shaxmat. Magnus Karlsen ilk marta jahon kubogi sohibiga aylandi

^{Foto: Shahid Ahmed}

Norvegiyalik grossmeyster finalda hindistonlik Pragnanandha bilan dastlab 2 ta klassik partiyada durang o‘ynadi, bugun esa tay-brekda tezkor shaxmatda g‘alaba qozondi. 3-o‘rinni esa Fabiano Saruana egalladi. U Nijat Abbasovni tay-brekda mag‘lub etgan.

Magnus Karlsen shaxmat toji uchun nomzodlar turnirida qatnashishdan voz kechgani sababli uning o‘rniga 4-o‘rinni olgan Nijat Abbosov boradigan bo‘ldi.

G‘oliblar quyidagicha pul mukofotini qo‘lga kiritdi:
1-o‘rin: 110 ming AQSH dollari;
2-o‘rin: 80 ming AQSH dollari;
3-o‘rin: 60 ming AQSH dollari;
4-o‘rin: 50 ming AQSH dollari.

Qayd etish joiz, Karlsenning ushbu turnirdagi eng yaxshi natijasi 3-o‘rin edi.

Ma’lumot uchun, Magnus 2013-2023 yilgacha – klassik shaxmat yo‘nalishida, 2014-2016, 2019, 2022 yil – rapid bo‘yicha, 2014-2015, 2017-2019 va 2022 yil blis yo‘nalishida g‘oliblikni qo‘lga kiritgan. Jahon kubogining amaldagi sohibi xitoylik Din Lijen sanalardi.

Шухрат Раззаков

«ZAMIN.UZ» muharriri