BAA liga kubogi. Aziz G‘aniyevdan yana bir shedevr (video)

BAA liga kubogi yarim finalidan o‘rin olgan "Shabab Al Ahli" - "Al Vasl" bahsi bo‘lib o‘tdi. Mazkur bahs mezbonlarning 2:3 hisobidagi mag‘lubiyati bilan yakunlandi.

Legionerimiz Aziz G‘aniyev bellashuvni asosiy tarkibda boshladi va gol urishni ham uddaladi. 53-daqiqada G‘aniyev jamoadoshi Kartabyaning uzatmasidan so‘ng super zarba yo‘llab, chiroyli gol muallifi bo‘ldi.

Shu tariqa, dubayliklar mag‘lubiyatga uchrab, musobaqa bilan xayrlashdi.