Shomurodovning golli uzatmasidan so‘ng “Kalyari” “Sassuolo” ustidan irodali g‘alabani qo‘lga kiritdi (video)

Futbol bo‘yicha Italiya A Seriyasining 15-turida “Kalyari” 11 dekabr, dushanba kuni “Sassuolo”ga qarshi bahs olib bordi.

Eldor Shomurodov to‘p suradigan “Kalyari” 2:1 hisobida g‘alaba qozondi. 7-daqiqada “Sassuolo” futbolchisi Martin Erlich hisobni ochdi. 62-daqiqada Ruan qizil kartochka olib, maydonni tark etdi.

Hakam qo‘shib bergan daqiqalarda esa “Kalyari” 2 ta gol urishga muvaffaq bo‘ldi. Dastlab, 90+4-daqiqada Janluka Lapadula muvozanatni tiklagan bo‘lsa, 90+8-daqiqada Eldor Shomurodovning uzatmasidan so‘ng Leonardo Pavoletti jamoasining g‘alabali goliga mualliflik qildi.

---

A Seriya

15-tur bahsi

11 dekabr, dushanba

“Kalyari” – “Sassuolo” 2:1

Gollar: 0:1 – 7 Erlich, 1:1 – 90 Lapadula, 2:1 – 90 Pavoletti.

“Kalyari”: Skuffet, Zappa, Goldaniga, Dossena, Aujello (Mankozu, 90), Oristanio (Shomurodov, 74), Nandes (Pavoletti, 59), Viola, Prati (Petanya, 90), Sulemana (Luvumbu, 59), Lapadula.

“Sassuolo”: Konsili, Tolyan, Erlich, Ruan, Vinya (Bayrami, 73), Kastilexo (Ferrari, 65), Rachich (Volpato, 81), Mateus Enrike, Torstvedt, Loryante (Pedersen, 65), Pinamonti (Mulatteri, 81).

Ogohlantirishlar: Loryante (9), Ruan (35), Erlich (42), Goldaniga (55), Konsili (69), Torstvedt (90), Mulatteri (90).

Chetlatish: Ruan (62).

“Zamin” yangiliklarini “Facebook”da kuzatib boring