Osiyo kubogi nimchorak final bosqichidan o‘rin olgan Yaponiya va Bahrayn o‘rtasidagi uchrashuvdan so‘ng "Real Sosedad" klubi va Yaponiya termasi futbolchisi Takefusa Kubo saytimizga kichik intervyu berdi.
- Bugungi uchrashuv haqida fikringiz qanday? Qaysi jihatlar bo‘yicha bugun guruh bosqichidagi o‘yinlardan yaxshiroq harakat qildingiz?
- Guruh bosqichidan farqli ravishda bugun pressingni yaxshiroq amalga oshirdik. Raqib xato qilishga majbur bo‘ldi. Uzun paslarni ko‘p marta takrorladik. Guruh bosqichida uzatmalarda xatolarga yo‘l qo‘ygandik. Aynan shu jihatlar bo‘yicha yaxshi ko‘rindik.
- Yaponiya terma jamoasi guruh bosqichidan keyin yaxshiroq tomonga o‘zgardimi?
- Biz o‘zgarmadik. Musobaqaning birinchi kunidan qanday holatda bo‘lsak, hali ham shunday. To‘g‘ri, kuchni biroz taqsimlayotgan bo‘lishimiz mumkin, bu normal holat. Musobaqa oldidan barcha Yaponiyani turnir favoriti deb atayotgandi, hozir ham hech narsa o‘zgarmadi. Biz har bir uchrashuvga bor e’tiborimizni qaratamiz. Bu o‘yinga qadar olti kun dam olgandik, hozir esa keyingi uchrashuvgacha ikki kun vaqtimiz bor. Osiyo kubogida qanday o‘ynash kerakligini bilamiz. Oxiriga qadar kurashib, chempion bo‘lishni maqsad qilganmiz.
- Bu kabi katta musobaqalarda nafaqat taktik yoki texnik jihatlar, balki jismoniy holat ham asosiy planga chiqadi. Avstraliya va Koreya Respublikasi jismonan juda kuchli ko‘rindi. Yaponiya terma jamoasi ham jismoniy holati bilan maqtana oladimi?
- Biz jismonan va ruhan kuchlimiz. Biroq Yaponiya terma jamoasining eng kuchli jihati bu tarkibda turli uslubda o‘ynay oladigan futbolchilarning borligi. Istalgan o‘yinchi uchrashuvni asosiy tarkibda boshlay oladi. Boshqa jamoalarga taqqoslaganda, aynan shu jihat bo‘yicha ustunlikka egamiz. Oldinda bor-yo‘g‘i ikki kun vaqtimiz bo‘lsa ham tarkibdagi ba’zi futbolchilarni o‘zgartirib, chorak final o‘yiniga to‘liq tayyor bo‘lamiz.
Jalolxon Inog‘omxo‘jayev
“Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
100 mln so‘mgacha bo‘lgan kreditlar soddalashtirilgan tartibda ajratiladi
Medvedev Rossiya NATO harbiy bazalariga zarba yo‘llashi mumkinligini istisno qilmadi
Germaniya razvedkasi rahbari: “Rossiya yaqin yillarda NATOga hujum qilishi mumkin”
Organizmda qaysi turdagi vitamin yetishmayotganini qanday aniqlash mumkin?
Eron Isroil bilan keng ko‘lamli urushga tayyorligini ma’lum qildi
Gretsiyada minglab odamlar NATOga qarshi namoyish o‘tkazdi
Endi «Doimiy yashash joyiga ro‘yxatga qo‘yish» qulaylashdi (video)
Erdo‘g‘on: “Turkiya G‘azo mojarosi tugamaguncha Falastinni qo‘llab-quvvatlaydi”
