Rossiya futbolini yoritib kelayotgan SOCCER.RU sayti ekspertlari Premer-liganing eng kreativ va maydonda erkin ijodkor rolini muvaffaqiyatli bajarayotgan o‘yinchilarini aniqladi.
O‘z jamoasi g‘alabalarida muhim ahamiyat kasb etadigan, yuqori texnikasi bilan ajralib turadigan charm to‘p ustalari har bir jamoada topiladi.
Mashhur sayt ekspertlari ana shunday futbolchilar qatoriga SSKA hujum chizig‘ini yuqori darajada ushlab turgan Abbosbek Fayzullayev ham kiritildi.
SOCCER.RU sayti talqiniga ko‘ra, Premer-liganing eng kreativ yetti futbolchisi ro‘yxati quyidagicha ko‘rinish oldi:
- Maksim Glushenkov (“Lokomotiv”, Rossiya) – 22 ta uchrashuv, 6 ta gol, 11 ta assist.
- Abbosbek Fayzullayev (SSKA, O‘zbekiston) – 17 ta uchrashuv, 3 ta gol, 8 ta assist.
- Eduard Spersyan (“Krasnodar”, Armaniston) – 22 ta uchrashuv, 9 ta gol, 6 ta assist.
- Klaudino (“Zenit”, Braziliya) – 23 ta uchrashuv, 3 ta gol, 6 ta assist.
- Martin Kramarich (“Sochi”, Sloveniya) – 20 ta uchrashuv, 5 ta gol, 5 ta assist.
- Benxamin Garre (“Krilya Sovetov”, Argentina) – 15 ta uchrashuv, 8 ta go, 3 ta assist.
- Joao Bitello (“Dinamo”, Braziliya) – 16 ta uchrashuv, 5 ta gol, 2 ta assist.
SOCCER.RU sayti ekspertlari Abbosbek Fayzullayevning o‘yiniga quyidagicha izoh berdi:
- Xvicha Kvaratsxeliyani “Rubin” futbolkasida ko‘rganlar o‘shandayoq, Gruziyadan kelgan texnika ustasining Rossiya Premer-ligasida uzoq vaqt ushlanib qolmasligini bilishgan edi. O‘zbek futbolchisi bo‘yicha ham xuddi shu prognozni bildirish mumkin – SSKA qanot hujumchisi atigi 20 yoshda va tez orada kuchli ligaga ketadi!
Voqealarning bunday rivojlanishi o‘yinchining o‘sishi uchun eng to‘g‘ri yo‘ldir. Chunki osiyolik vunderkind Rossiya Premer-ligasida osonlikcha eng jangovar darajaga ko‘tarildi.
“Lokomotiv”ga qarshi o‘tkazilgan so‘nggi uchrashuvda Abbosbek Fayzullayev jamoasining uchala golida ishtirok etdi, raqib darvozasiga to‘rt marotaba zarba berdi va jamoadoshlariga to‘rtta xavfli vaziyat yaratib berdi.
Bugungi kunda jahon futbolida asosiy e’tibor hujumga qaratilgan va keskin harakatlana olish qadrlanayotgan pallada huddi Lionel Messi kabi Abosbek Fayzullayevning kamtarona jismoniy gabaritlariga skautlar umuman e’tibor qaratmaydi.
Texnikasi kuchli bu futbolchi ko‘plab nufuzli klublarga kerak bo‘ladi. Tabiiyki, qiziqish bildirgani aytilayotgan “Bavariya”ga borishga hali biroz erta, shuning uchun ham, hujumkor o‘yinchilarga albatta joy topiladigan “Bayer” kabi klublarning asosiy tarkibida to‘p tepgan ma’qul. Ayniqasa, kelayotgan yozda Florian Virsning jamoadan ketish ehtimoli oshib borayotganini inobatga olganda buning imkoni bor. Osiyoliklardan Son Xin Min ham avval Leverkuzenda mahorat oshirgan va hozir Angliya Premer-ligasining afsonalaridan hisoblanadi, - deb yozdi SOCCER.RU sayti. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Moskva aeroportlarida 1000 ga yaqin tojikistonlik qolib ketdi
Sherali Jo‘rayevning birinchi turmush o‘rtog‘i Xursanoy aya: “Botirjon Sherali Jo‘rayevning o‘g‘li”
Diniy qo‘mita: Turli vizalar bilan Haj amallarini bajarishning imkoni yo‘q
O‘zbekistonning demografik ko‘rsatkichlari e’lon qilindi
O‘zbekistonga qarshi Indoneziyaning asosiy hujumchilaridan biri maydonga tusha olmaydi
“O‘zgidromet” 29 aprel kuni kuzatiladigan ob-havo prognozini e’lon qildi
Pentagon rahbari Xitoyni AQSHning asosiy raqibi deb atadi
Liga 1. PSJ muddatidan oldin chempionlikni hal qildi
