Superliga 7-turi doirasida o‘tkazilgan "So‘g‘diyona" - "Navbahor" (1:2) uchrashuvidan so‘ng jizzaxliklar bosh murabbiyi Ivan Boshkovich matbuot anjumanida ishtirok etdi.
- O‘yin haqida
- Bugungi uchrashuvda meni faqatgina o‘yin natijasi qoniqtirmadi. O‘yin bo‘yicha yomon ko‘rinmadik, ayniqsa ikkinchi bo‘limda yaxshi hujumlar uyushtirdik. Birinchi bo‘limda esa biroz o‘yinimiz qovushmadi, ustiga-ustak darvozamiz tomon penalti belgilandi. Tanaffusda yigitlarga barchasini tushuntirib berdim va raqibning kuchsiz jihatlarini ko‘rib chiqdik. O‘tkazib yuborgan ikkinchi golimizni ko‘rmay qoldim, to‘g‘risi. U vaziyatda to‘pni yo‘qotgan bo‘lsak kerak. 2:0 hisobida mag‘lub bo‘layotganimizga qaramay, ko‘p hujum qildik va ishtiyoqimiz so‘nmadi.
Futbolchilarimga rahmat aytaman. O‘yin so‘ngida bitta gol urdik, ammo o‘yinda burilish yasashga vaqt yetmay qoldi. Ikkita qanot himoyachilarimiz hujumga ko‘p hissa qo‘shishdi va o‘yin davomida to‘liq aktiv bo‘lishdi. Qanotdan uzatilgan paslarni darvozaga yonaltira olmadik. Hechqisi yo‘q, bunday uchrashuvlar biz uchun katta tajriba. O‘yin bo‘yicha bugun mag‘lubiyatga loyiq emas edik.
- "Navbahor"ga qarshi kechgan bugungi uchrashuv siz uchun uchinchisi bo‘ldi. Avvalgi ikki uchrashuv bilan solishtirsak, "lochin"lar qanchalik o‘zgaribdi? Samvel Babayan jamoasi yangi mavsumda yana kuchaygan deya olasizmi?
- Taqqoslash noto‘g‘ri. O‘sha vaqtda musobaqa jadvali boshqacha edi. Boshqa tarkib, boshqa mavsumlar. "Navbahor" taktik tomonlama biroz o‘zgaribdi. Avvali ko‘proq ochiq futbol bo‘lar edi. Bugun penaltidan gol urishganidan so‘ng uslubni biroz o‘zgartirishdi va mudofaa haqida o‘ylashni boshlashdi. Namangan jamoasi zo‘r tarkibga ega ekanligiga hech kim shubha qilmasa kerak. Lekin biz bugun raqibdan futbol bo‘yicha ustun edik. Futbolda yaxshiroq o‘ynagan jamoa har doim ham g‘alaba qozonavermaydi. Ikkinchi davra bahsida yaxshiroq natija qayd etishga harakat qilamiz va bugungi uchrashuv natijasi uchun alam olamiz degan umiddaman. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
BAAda isroillik ravvin o‘ldirib ketildi
Medvedev: Maxsus harbiy operatsiya uchun qurollarning aksariyati Rossiyada ishlab chiqariladi
2050 yilda 1,2 milliardgacha odam yashash joyini tark etadi
Olimlar qahvaning ichakdagi bakteriyalar tarkibiga ta’sirini aniqladi
Qur’onni yoqqani uchun qamalgan Nikita Juravelga yangi hukm o‘qildi
Finlandiyada omon qolish kurslariga yozilayotgan ayollar soni keskin oshdi
Kiyev va Moskva o‘rtasidagi tinchlik muzokaralari: u qanday ko‘rinishda bo‘lishi mumkin?
Superliga. 2025 yilgi mavsum qachon start olishi ma’lum qilindi
