Bokschilarimiz Rossiyadagi turnirda 7 ta oltin va 9 ta kumush medallarni qo‘lga kiritishdi

Rossiyaning Xabarovsk shahri mezbonlik qilayotgan boks bo‘yicha “Konstantin Korotkov xotira turniri”da bugun, 18 may kuni final janglari bo‘lib o‘tdi. Kun davomida 16 nafar o‘zbekistonlik bokschi oltin medal uchun ringga ko‘tarildi.

Xotira turniri doirasida terma jamoamiz 7 ta oltin va 9 ta kumush medallariga ega chiqib, umumjamoa hisobida medal jamg‘arishda tengsiz bo‘ldi.

Final janglarida boks muxlislari ikki bora o‘zbek derbisi guvohi bo‘lishdi. 54 kilogrammgacha bo‘lgan vaznda Hasanboy Do‘stmatov ochkolar hisobida g‘alaba qozondi. Hakamlarning ikki vakili uchrashuvda durang qayd etilganini qayd etgan bo‘lsa, ikki hakam Hasanboyning bir hakam esa Shahzodning g‘alabasini qayd etdi.

^{Foto: Videodan kadr}
O‘zbekistonlik Abdumalik Xalokov ham final jangini o‘tkazdi. Raqibiga hech qanday imkoniyat qoldirmagan Abdumalik belaruslik Pankov ustidan 5-0 hisobida g‘alaba qozondi.

^{Foto: Videodan kadr}
67 kilogrammgacha bo‘lgan vazn toifasida Ruslan Abdullayev rossiyalik bokschiga qarshi jang qildi. Ruslan jangning birinchi raundidayoq raqibini uch bora nokdaun holatiga tushirdi va hakam jangni to‘xtatishga majbur bo‘ldi. Shu tariqa Abdullayev O‘zbekiston hisobiga yana bir oltin medalni taqdim etdi.

^{Foto: Videodan kadr}
+92 vazn toifasidagi yana bir o‘zbekcha derbida Bahodir Jalolov ustun keldi. U Lazizbek Mullajonov ustidan ochkolar hisobida g‘alaba qozondi.

G‘olib va sovrindorlar ro‘yxati quyidagicha:

Oltin medal:
-54 kg: Aziza Yoqubova
-54 kg: Hasanboy Do‘stmatov
-57 kg: Abdumalik Halokov
-67 kg: Ruslan Abdullaev
-71 kg: Asadxo‘ja Mo‘ydinxo‘jaev
-86 kg: Jasurbek Yo‘ldoshev
+92 kg: Bahodir Jalolov

Kumush medal:
-50 kg: Robiyaxon Baxtiyorova
-66 kg: Dilfuza Bekova
-75 kg: Aziza Dayirbekova
-48 kg: Avazjon Yo‘ldoshev
-54 kg: Shahzod Muzafarov
-60 kg: Dilshod Abdumurodov
-80 kg: To‘rabek Habibullaev
-92 kg: Madiyar Saidrahimov
+92 kg: Lazizbek Mullojonov “Zamin” yangiliklarini “Facebook”da kuzatib boring