Usik “asr jangi”da Fyuri ustidan gʻalaba qozondi va ogʻir vaznda mutlaq chempionga aylandi

^{Foto: Getty Images}
Saudiya Arabistonining Ar-Riyod sharida 18 may kuni boks kechasi tashkil etildi. Kechaning asosiy jangi ogʻir vaznda mutlaq jahon chempioni unvoni uchun britaniyalik Tayson Fyuri va ukrainalik Oleksandr Usik oʻrtasida boʻlib oʻtdi.

Dastlabki uch raundda ukrainalik bokschi katta ustunlikka ega boʻldi. Toʻrtinchi raundda Tayson Fyuri ham sekin hujumga oʻtib, aniq zarbalar berishga harakat qildi. Beshinchi raundda Usik chekina boshladi va Tayson Fyuri vaziyatdan foydalanib hujumga oʻta boshladi. Oltinchi raundda ham Tayson Fyuri ustunlikni saqlab qoldi va ukrainalik bokschiga aniq zarbalar berdi.

^{Foto: Getty Images}
Jangning 7-raundiga kelib Usik ham hujumga oʻta boshladi, ammo buning oqibatida oʻzi ham zarbalar qabul qilib oldi. 8-raundda Tayson Fyuri koʻplab zarbalar qabul qilib oldi. Uning “hurmacha” qiliqlari kamaydi. 9-raundga kelib Usik oʻz vaqtini toʻliq hujumda oʻtkazdi. Aniq zarbalardan keyin Tayson Fyuri nokdaun holatiga tushib qoldi. Fyurini faqatgina raund tugagani haqidagi bong qutqarib qoldi.

^{Foto: Getty Images}
10-raundni Tayson Fyuri oʻziga kelib olish uchun sarfladi. Oleksandr ham jiddiy hujumga oʻtmadi. 11-raundda bokschilar oʻz stilida jang qildi. Usik koʻproq hujumga oʻtdi, Tayson Fyuri esa raqibini kutib oldi. Soʻnggi raundda ham ukrainalik bokschi tinmasdan hujumga oʻtib, raqibiga aniq zarbalar berdi. Bokschilar shu tariqa jangni yakunladi.

Jangdan soʻng bokschilar bir biriga hurmat bajo keltirdi.

Ushbu jangda hakamlar qaroriga binoan Oleksandr Usik ochkolar hisobida gʻalaba qozondi: 115 — 112, 113 — 114, 114 — 113.

Usik janggacha WBA, IBF, WBO va IBO yoʻnalishlari kamariga egalik qilayotgan edi. Fyuri esa 2020 yil fevralida Deontey Uaylderni magʻlub etib, WBC chempioniga aylangan edi.

Ushbu jangdan soʻng Oleksandr Usik barcha 5 kamarga egalik qilish bilan bir qatorda, mutlaq chempionga aylandi.

Oxirgi marta Lennoks Lyuis 1999 yili ogʻir vazn toifasida mutlaq chempion boʻlgan edi.

Tayson Fyuri va Oleksandr Usik ishtirok etgan boks oqshomining boshqa natijalari bilan tanishing:

• Jay Opetaya (24-0) Mairis Briedis (28-2) ustidan ochkolar hisobida gʻalaba qozondi;
  
• Entoni Kakache (21-1) Jo Kordina (17-0)ni nokautga uchratdi;
  
• Sergey Kovalyov (35-5-1) Robin Safarga (15-0) hakamlarning yakdil qarori bilan yutqazdi;
  
• Mark Chemberlen (15-0) Joshua Oluvasen Vahabni (23-1) birinchi raunddayoq nokautga uchratdi;
  
• Agit Kabael (25-0) Frank Sanches (24-0)ni ettinchi raundda nokautga uchratdi;
  
• Daniel Lapin (10:0) Oktavio Pudivitrani (9:2) birinchi raunddayoq nokautga uchratdi.
  

“Zamin” yangiliklarini “Telegram”da kuzatib boring