A Seriyada yuzdan ortiq uchrashuvda maydonga tushgan Eldor Shomurodov yozda yangi jamoa masalasini hal qilishiga to‘g‘ri keladi.
Chempionatning ikkinchi qismida legionerimiz faoliyatida ijobiy o‘zgarish yuz berganidan keyin “Kalyari” yuqori diviziondagi joyini saqlab qolgan taqdirda hamyurtimizni o‘z safida olib qolishi kutilayotgan edi.
“Roma” va “Kalyari” o‘rtasidagi kelishuvga ko‘ra, sardiniyaliklar bir mavsumdan iborat ijara muddatidan keyin o‘zbek futbolchisini yana 9 million yevro to‘lagan holda to‘liq transfer qilish huquqiga ega edi.
So‘nggi ma’lumotlarga qaraganda, “Kalyari” rahbariyati bu imkoniyatdan foydalanmaslikka qaror qilgan.
Xususan, Yevropa futbolini yoritib kelayotgan onefootball.com sayti Eldor Shomurodovning kelajagiga doir yangi ma’lumot chiqardi.
- “Kalyari” o‘zbek futbolchisi bilan doimiy hamkorlik qilish g‘oyasidan voz kechdi. Eldor Shomurodov ijara muddati tugaganidan keyin “Roma” ixtiyoriga qaytishi kutilmoqda. Sardiniyaliklar Shomurodov uzoq muddatli foyda keltiriish mumkinligiga ishonmayapti, - deb yozdi onefootball.com sayti.
Bu mavzudagi ma’lumotlarni boshqa manbalar ham qalamga olmoqda.
- “Kalyari” Eldor Shomurodovni to‘liq transfer qilish huquqidan foydalanmaydi. Buning oqibatida o‘zbek hujumchisi yozda “Trigoriya”ga qaytadi. U “Spetsiya” va “Kalyari”dagi ikki ijara muddatidan keyin kelasi faoliyatiga oydinlik kiritishini kutadi, - deb yozdi ilmessaggero.it sayti.
Ayrim manbalar yozda “Roma” hujum chizig‘ida jiddiy o‘zgarishlar bo‘lishini ta’kidlamoqda.
- Bosh murabbiy Daniele De Rossi hujum chizig‘iga oydinlik kiritib olishi kerak. Romelu Lukaku “Chelsi”dan sotib olinmaydi va u mavsum yakunlanishi bilan London klubiga qaytariladi.
Paulo Dibalaning ham klubdagi kelajagi aniq emas. Uni yozda 13 million yevroga xarid qilish opsiyasi ochiladi. Argentinalik yulduz Yevropa Chempionlar ligasida muntazam o‘ynaydigan klubda to‘p tepmoqchi.
Sardor Azmun “Bayer”ga qaytariladi. Temmi Abraxam ham Angliya Premer-ligasiga qaytmoqchi. Joriy mavsumda ijaraga berilgan Andrea Belotti, Ola Solbakken va Eldor Shomurodov yana Rimga qaytadi va kelajagi borasidagi yangi qarorni kutadi, - deb yozmoqda tuttomercatoweb.com sayti eksperti Antoni Parrotto. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Medvedev: Maxsus harbiy operatsiya uchun qurollarning aksariyati Rossiyada ishlab chiqariladi
BAAda isroillik ravvin o‘ldirib ketildi
Bayden hozircha Ukrainani NATOga taklif etishga chaqirmaslikka qaror qildi
Sharmandali mag‘lubiyatdan keyin murabbiy futbolchilarni qamab qo‘ydi
Putin davlat tashrifi bilan Qozog‘istonga bordi
Superligani qaysi klub tark etadi? Kumush medal kimga nasib qiladi?
Xitoylik hakerlar AQSHdagi 150 nafar siyosatchi ortidan josuslik qilgan bo‘lishi mumkin
Qashqadaryoda erkak ayoli va chaqalog‘ini o‘ldirib, so‘ng o‘z joniga qasd qildi
