Rossiya Premer-ligasining 29-turidan o‘rin olgan “PARI Nijniy Novgorod” va SSKA o‘rtasidagi uchrashuv gollarga va rekordlarga boy bo‘ldi.
Poytaxtlik “armiyachilar” mehmonda to‘p tepganiga qaramay, nijniy novgorodlik futbolchilarni ayab o‘tirmadi. Hujumkor o‘yin ko‘rsatgan Vladimir Fedotov shogirdlari sakkizta to‘p kiritilgan bahsda 6:2 hisobida zafar quchdi.
Nijniy Novgoroddagi o‘yin turning so‘nggi uchrashuvi bo‘lgani bois aksariyat rekordlar aynan mana shu bahs hissasiga to‘g‘ri keldi.
Rossiya Premer-ligasi tarixida ilk bor bir turda 39 ta gol urildi va mazkur ko‘rsatkich yangi rekord sifatida ro‘yxatga olindi. Bu turnir yo‘lga qo‘yilganidan beri eng ko‘p gol kiritilgan tur bo‘ldi. Avvalgi rekord 36 ta goldan iborat bo‘lib, bu ko‘rsatkich ikki bor – 2006 va 2012-2013 yilgi mavsumlarda qayd etilgandi.
Bahsda faol o‘ynagan Abbosbek Fayzullayev ikkita assisti bilan ushbu rekordga o‘z hissasini qo‘shdi.
Ikkinchi bo‘limda jamoadoshlari Viktor Davila ham Anton Zabolotniyga golli pas uzatgan hamyurtimiz shaxsiy rekordini ham o‘rnatdi.
Abbosbek Fayzullayev joriy mavsumda o‘nta va undan ko‘p samarali harakatni amalga oshirgan Premer-liganing eng yosh o‘yinchisi bo‘ldi. 20 yoshli legionerimiz hisobida chempionatning 21 ta uchrashuvida urilgan to‘rtta gol va yettita assist bor.
Bundan tashqari, hujumkor futbolchimiz Rossiya kubogi musobaqasi doirasida o‘nta bellashuvda bitta gol va uchta assist muallifi bo‘lgan.
Abbosbek Fayzullayev joriy mavsumda gol+pas tizimida kamida o‘ntadan ball to‘plagan Konstantin Tyukavin (21 yosh), Benxamin Garre (23 yosh), Eduard Spersyan (23 yosh), Maksim Glushenkov (24 yosh), Yegor Golenkov (24 yosh) va boshqa o‘yinchilardan yosh hisoblanadi.
SSKA himoyachisi Kellven uchrashuvda golli pas berib, mavsumdagi assistlari sonini oltitaga yetkazib oldi va natija ham mavsum rekordi bo‘ldi. Chunki hali ligada birorta himoyachi bu qadar ko‘p assist qilmagan.
“PARI Nijniy Novgorod” bu bahsda antirekord qayd etdi. Serbiyalik mutaxassis Sasha Ilich shogirdlari Rossiya chempionatlari tarixida ketma-ket ikkita bellashuvda oltitadan gol o‘tkazib yuborgan birinchi jamoa bo‘ldi.
Bungacha chempionat doirasidagi 8000 ortiq uchrashuvda bunaqa natija kuzatilmagan edi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Medvedev: Maxsus harbiy operatsiya uchun qurollarning aksariyati Rossiyada ishlab chiqariladi
BAAda isroillik ravvin o‘ldirib ketildi
Bayden hozircha Ukrainani NATOga taklif etishga chaqirmaslikka qaror qildi
Sharmandali mag‘lubiyatdan keyin murabbiy futbolchilarni qamab qo‘ydi
Putin davlat tashrifi bilan Qozog‘istonga bordi
Superligani qaysi klub tark etadi? Kumush medal kimga nasib qiladi?
Xitoylik hakerlar AQSHdagi 150 nafar siyosatchi ortidan josuslik qilgan bo‘lishi mumkin
Qashqadaryoda erkak ayoli va chaqalog‘ini o‘ldirib, so‘ng o‘z joniga qasd qildi
