"Dinamo" hamda "Paxtakor" o‘rtasidagi Superliganing 8-tur bahsidan (1:1) so‘ng mezbonlar ustozi Vadim Abramov matbuot anjumanida ishtirok etdi.
Vadim Abramov: "G‘alaba qozonishga intildik. Bizda yo‘q joydan gol kirib ketishi odatga aylanib qoldi. Ikkinchi taymda ko‘p vaziyatlarga ega bo‘ldik, ammo ularning bittasidan foydalana oldik. Navbatdagi 2 ochkoni qo‘ldan chiqardik".
- Vadim Karlenovich, siz xotirjam murabbiylardan hisoblanasiz. Ammo ovozingiz bo‘g‘ilib qolganidan bahs juda qiziq o‘tganini bilish mumkin. "Dinamo" ko‘plab vaziyatlar yaratyapti, ammo gol urishda muammolar bor.
- Futbolda shunaqa bo‘lib turadi. To‘p raqib darvozasiga kirishni xohlamaydi.
- Odatda muxlislar "Paxtakor" bilan durang bo‘lsa quvonishardi, bugun esa aksi.
- Hammamiz xafamiz. Chunki o‘yin bo‘yicha 2 ochkoni qo‘ldan chiqardik.
- Temirov va Abdullayevlarning o‘zgarishi nima bilan bog‘liq?
- Abdullayevda 2 kun avval angina bor edi. U kuchga kirmaganini o‘yindan bilib oldik. Damir Temirov ham bahsga kirishib keta olmadi. Zahiradan bahsga qo‘shilganlar tufayli ustunlik qilishni boshladik.
- Odilbek Abdumajidov maydonga tushib, Cheranga deyarli imkon bermadi. Bu aynan Draganga qarshi amalga oshirilgan o‘zgarishmidi?
- Ikki markaziy himoyachi biroz noto‘g‘ri o‘ynagani tufayli Abdumajidovni tushirdik. Shunchaki Cheran bilan to‘p uchun havodagi kurashda to‘g‘ri harakat qilish kerak edi.
- "Dinamo"ning golidan so‘ng Miyich siz tomonga kelib, bir nimalar deganday bo‘ldi.
- U golni nishonladi. Hissiyotlar hammada bor.
- "Uyda devorlar ham yordam beradi" deyishadi. "Dinamo" bugun Samarqandda, o‘z muxlislari qarshisida o‘ynaganda jamoa g‘alaba qozongan bo‘larmidi?
- Muxlislar bilan o‘ynasak bu bizga qo‘shimcha yordam beradi. Siz haqsiz, ishqibozlarning olqishlari futbolchilarga yordam beradi. O‘z uyimizda qachon o‘ynashimizni bilmayman.
- "Dinamo" rahbariyati durangni qanday qabul qildi?
- Durang bilan qutlashdi, ammo biz xafamiz. Muxlislar 1 ochkodan ranjishdi. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Medvedev: Maxsus harbiy operatsiya uchun qurollarning aksariyati Rossiyada ishlab chiqariladi
BAAda isroillik ravvin o‘ldirib ketildi
Bayden hozircha Ukrainani NATOga taklif etishga chaqirmaslikka qaror qildi
Sharmandali mag‘lubiyatdan keyin murabbiy futbolchilarni qamab qo‘ydi
Putin davlat tashrifi bilan Qozog‘istonga bordi
Superligani qaysi klub tark etadi? Kumush medal kimga nasib qiladi?
Xitoylik hakerlar AQSHdagi 150 nafar siyosatchi ortidan josuslik qilgan bo‘lishi mumkin
Qashqadaryoda erkak ayoli va chaqalog‘ini o‘ldirib, so‘ng o‘z joniga qasd qildi
